ਚਿੱਪ ਵਾਲਾ ਮੀਟਰ ਨਾ ਲਵਾਉਣ ਤੇ ਕਿਸਾਨ ਦਾ ਕੱਟਿਆ ਬਿਜਲੀ ਕੁਨੈਕਸ਼ਨ ਐਸ.ਡੀ.ਓ ਵਲੋਂ ਕਿਸਾਨਾ ਨਾਲ ਮਾੜਾ ਵਿਵਹਾਰ ਕਰਨ ਤੇ ਕਿਸ਼ਾਨਾ ਨੇ ਸਬ ਡਵੀਜਨ ਅੱਗੇ ਦਿੱਤਾ ਧਰਨਾ
ਉਪ ਮੰਡਲ ਅਫਸਰ ਪਡੋਰੀ ਮਹੰਤਾਂ ਦਾ ਐਸ.ਡੀ.ਓ ਇੰਜੀ: ਸੋਮਰਾਜ ਆਮ ਖਪਤਕਾਰਾ ਅਤੇ ਕਿਸਾਨਾ ਨਾਲ ਲਗਾਤਾਰ ਮਾੜੀ ਸਬਦਾਵਲੀ ਅਤੇ ਦੁਰਵਿਵਹਾਰ ਕਰਦਾ ਰਹਿੰਦਾ ਹੈ। ਜਿਸਦੇ ਚਲਦਿਆ ਅੱਜ ਕਿਸਾਨ ਮਨਜੂਰ ਸੰਘਰਸ ਕਮੇਟੀ ਜੋਨ ਸ਼ਹੀਦ ਬੀਬੀ ਸੁੰਦਰੀ ਜੀ ਵਲੋਂ ਕਿਸਾਨਾ ਮਜਦੂਰਾ ਅਤੇ ਬੀਬੀਆਂ ਨੇ ਇਕੱਠੇ ਹੋ ਕੇ ਐਸ.ਡੀ.ਓ ਦਫਤਰ ਅਗੇ ਧਰਨਾ ਦਿੱਤਾ ਅਤੇ ਐਸ.ਡੀ.ਓ ਖਿਲਾਫ ਜੰਮ ਕੇ ਨਾਅਰੇਬਾਜੀ ਕੀਤੀ।
ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆ ਜੋਨ ਪ੍ਰਧਾਨ ਸੁਖਜਿੰਦਰ ਸਿੰਘ ਗਹੋਤ ਪੋਕਰ, ਅਤੇ ਡਾਕਟਰ ਦਲਜੀਤ ਸਿੰਘ ਨੇ ਰਾਣਾ ਰਣਜੀਤ ਸਿੰਘ ਨੇ ਦੱਸਿਆ ਕਿ ਪਿੰਡ ਗੋਹਤ ਪੋਕਰ ਵਾਸੀ ਪਰਮਿੰਦਰ ਸਿੰਘ ਦੇ ਘਰ ਬਿਜਲੀ ਮਹਿਕਮੇਂ ਵਾਲੇ ਪਹਿਲਾ ਚਿੱਪ ਵਾਲਾ ਮੀਟਰ ਲਾਉਣ ਆਏ ਸਨ, ਕਿਸਾਨ ਯੂਨੀਅਨ ਦਾ ਮੈਂਬਰ ਹੋਣ ਕਾਰਣ ਉਨੇ ਇਸ ਦਾ ਵਿਰੋਧ ਕੀਤਾ। ਮਹਿਕਮੇਂ ਵਾਲੇ ਉਸਦਾ ਪਹਿਲਾ ਮੀਟਰ ਵੀ ਪੁੱਟ ਕੇ ਲੈ ਗਏ ਜਿਸ ਕਾਰਣ ਉਸ ਨੂੰ ਐਵਰੇਜ ਤੇ ਬਿੱਲ ਪੈਦਾ ਰਿਹਾ। ਅੱਜ ਐਸ.ਡੀ.ਓ ਵੱਲੋਂ ਡੀਫਾਟਿੰਗ ਅਮਾਉਂਟ ਦੇ ਬਹਾਨੇ ਉਸਦਾ ਕੁਨੈਕਸ਼ਨ ਕੱਟ ਦਿੱਤਾ। ਕਿਸਾਨ ਯੂਨੀਅਨ ਦੇ ਆਗੂਆ ਨੇ ਕਿਹਾ ਕਿ ਅਸੀਂ ਝੋਨਾ ਵੇਚ ਕੇ ਬਿੱਲ ਤਰਵਾ ਦਿਆਂਗੇ ਪਰ ਐਸ.ਡੀ.ਓ ਨੇ ਕਿਸਾਨ ਆਗੂਆ ਨਾਲ ਵੀ ਦੁਰਵਿਹਾਰ ਕੀਤਾ। ਜਿਸ ਤੇ ਉਨ੍ਹਾ ਨੇ ਦਫਤਰ ਅੱਗੇ ਧਰਨਾ ਦਿੱਤਾ। ਜਿਕਰ ਯੋਗ ਹੈ ਕਿ ਕਿਸਾਨ ਮਜਦੂਰ ਸੰਘਰਸ ਕਮੇਟੀ ਵਲੋਂ ਖਪਤਕਾਰਾ ਵੱਲ ਖੜੇ ਬਿਜਲੀ ਬਿੱਲ ਬਕਾਇਆਂ ਅਤੇ ਦੂਸਰੀਆ ਹੋਰ ਮੰਗਾ ਨੂੰ ਲੈ ਕੇ 14 ਜੁਲਾਈ 2025 ਨੂੰ ਸਾਰੇ ਪੰਜਾਬ ਵਿੱਚ ਐਸ.ਈ. ਪਾਵਰਕਾਮ ਦੇ ਦਫਤਰਾ ਅੱਗੇ ਧਰਨੇ ਵੀ ਦਿੱਤੇ ਗਏ ਸਨ ਅਤੇ ਇਸ ਦੇ ਸਬੰਧ ਵਿੱਚ ਜਥੇਬੰਦੀ ਦਾ ਇੱਕ ਵਫਦ ਚੇਅਰਮੈਂਨ ਪਾਵਰ ਕਾਮ ਨੂੰ ਪਟਿਆਲੇ ਪਿਛਲੇ ਦਿਨੀ ਮਿਲ ਕੇ ਵੀ ਆਇਆ ਸੀ ਜਿਸ ਨੇ ਭਰੋਸਾ ਦਿੱਤਾ ਸੀ ਕਿ ਚਿੱਪ ਵਾਲੇ ਮੀਟਰ ਨਹੀਂ ਲਾਏ ਜਾਵੇਗੇ ਅਤੇ ਖਪਤਕਾਰਾ ਵੱਲ ਖੜੀ ਬਿੱਲ ਬਕਇਆ ਰਾਸੀ ਵੀ ਮੁਆਫ ਕੀਤੀ ਜਾਵੇਗੀ। ਪਰਸਬੰਧਤ ਐਸ.ਡੀ.ਓ ਜਾਣ ਬੁੱਝ ਕੇ ਖਪਤਕਾਰਾ ਨੂੰ ਤੰਗ ਪ੍ਰੇਸਾਨ ਕਰ ਰਹਾ ਹੈ। ਆਗੂਆ ਨੇ ਕਿਹਾ ਪਿਛਲੇ ਦਿਨੀ ਬਿਜਲੀ ਮੁਲਾਜਮਾ ਦੇ ਤਿੰਨ ਰੋਜਾ ਧਰਨਿਆ ਦੀ ਕਿਸਾਨ ਜਥੇਬੰਦੀ ਵਲੋਂ ਪੂਰੀ ਹਮਾਇਤ ਕੀਤੀ ਸੀ। ਇਸ ਲਈ ਇੱਕ ਐਸ.ਡੀ.ਓ ਦੇ ਕਹਿਣ ਤੇ ਬਿਜਲੀ ਮੁਲਾਜਮ ਜਥੇਬੰਦੀਆ ਨੂੰ ਕਿਸਾਨਾ ਨਾਲ ਟਕਰਾ ਵਾਲੀ ਸਥਿਤੀ ਪੈਂਦਾ ਨਹੀਂ ਕਰਨੀ ਚਾਹੀਦੀ। ਆਗੂਆ ਨੇ ਕਿਹਾ ਕਿ ਚਿੱਪ ਵਾਲੇ ਮੀਟਰ ਖਪਤਕਾਰਾ ਦੇ ਘਰਾ ਵਿੱਚ ਬਿਲਕੁਲ ਨਹੀਂ ਲੱਗਣ ਦਿੱਤੇ ਜਾਣਗੇ ਅਤੇ ਕਿਸਾਨ ਮਜਦੂਰ ਮੋਰਚੇ ਦੇ ਫੈਸਲੇ ਅਨੁਸਾਰ ਘਰਾ ਵਿੱਚ ਲੱਗੇ ਚਿੱਪ ਵਾਲੇ ਮੀਟਰ ਆਉਣ ਵਾਲੇ ਦਿਨਾ ਵਿੱਚ ਇੱਕ ਨਿਸ਼ਚਿਤ ਤਾਰੀਕੇ ਤੇ ਉਤਾਰ ਤੇ ਬਿਜਲੀ ਘਰਾਂ ਵਿੱਚ ਸੁੱਟੇ ਜਾਣਗੇ। ਇਸ ਧਰਨੇ ਵਿੱਚ ਸ਼ਾਮਿਲ ਆਗੂ ਤੇ ਮੈਂਬਰ ਜਿਨ੍ਹਾ ਵਿੱਚ ਕੈਪਟਨ ਦਿਲਬਾਗ ਸਿੰਘ, ਸੁਖਦੇਵ ਸਿੰਘ,ਮਾਸਟਰ ਸੋਹਨ ਸਿੰਘ, ਕੈਪਟਨ ਪਰਮਜੀਤ ਸਿੰਘ, ਸਤਨਾਮ ਸਿੰਘ ਮੀਲਮਾ, ਬਲਦੇਵ ਸਿੰਘ, ਸੁਖਵਿੰਦਰ ਸਿੰਘ, ਬਲਵੀਰ ਸਿੰਘ, ਤਾਰਾ ਸਿੰਘ, ਬਲਕਾਰ ਸਿੰਘ, ਸੁਰਜੀਤ ਸਿੰਘ, ਗੁਰਮੀਤ ਸਿੰਘ, ਜਸਬੀਰ ਕੌਰ, ਪਰਮਿੰਦਰ ਕੌਰ, ਗੁਰਮੀਤ ਕੌਰ, ਗੁਰਬਚਨ ਕੌਰ, ਪਰਮਜੀਤ ਕੌਰ, ਬਲਵਿੰਦਰ ਕੌਰ ਅਤੇ ਹੋਰ ਬੀਬੀਆ ਅਤੇ ਆਦਮੀ ਹਾਜਿਰ ਸਨ।
ਪ੍ਰੱਸ ਸਕੱਤਰ ਸੁਖਦੇਵ ਸਿੰਘ ਅੱਲੜ ਪਿੰਡੀ 9465176347
