ਜਲੰਧਰ (ਪੰਕਜ ਸੋਨੀ) ਰੀਲ ਬਣਾਉਣ ਦੇ ਨਸ਼ੇ ਨੇ BJP ਦੇ ਇਕ ਵਿਵਾਦਿਤ ਨੇਤਾ ਨੂੰ ਇੰਨਾ ਅੰਨ੍ਹਾ ਕਰ ਦਿੱਤਾ ਕਿ ਉਸਨੇ ਆਪਣੇ ਹੀ ਨੇਤਾਵਾਂ ਦੀ ਜਾਨ ਖ਼ਤਰੇ ਵਿੱਚ ਪਾ ਦਿੱਤੀ। ਪ੍ਰੈੱਸ ਕਾਨਫਰੰਸ ਦੌਰਾਨ ਇਹ ਨੇਤਾ ਆਪਣੇ ਪ੍ਰਾਈਵੇਟ ਬਾਡੀਗਾਰਡ ਨੂੰ ਫ਼ਰਜ਼ੀ ਕਮਾਂਡੋ ਵਰਦੀ ਪਹਿਨਾ ਕੇ ਹਾਲ ਵਿੱਚ ਲੈ ਆਇਆ।
ਹਾਲਾਤ ਉਸ ਵੇਲੇ ਖ਼ਤਰਨਾਕ ਬਣ ਗਏ ਜਦੋਂ ਉਹ ਫ਼ਰਜ਼ੀ ਕਮਾਂਡੋ ਸੁਨੀਲ ਜਾਖੜ ਅਤੇ ਸੰਸਦ ਮੈਂਬਰ ਰਵਨੀਤ ਬਿੱਟੂ ਦੇ ਬਿਲਕੁਲ ਨੇੜੇ ਜਾ ਕੇ ਰੀਲ ਬਣਾਉਣ ਲੱਗ ਪਿਆ।
ਸੁਰੱਖਿਆ ਲਈ ਤੈਨਾਤ ਅਸਲੀ ਕਮਾਂਡੋ ਤੁਰੰਤ ਹਰਕਤ ਵਿੱਚ ਆਏ, ਉਸਨੂੰ ਹਾਲ ਤੋਂ ਬਾਹਰ ਲੈ ਗਏ ਅਤੇ ਉਸਦੀ ਪਿਸਤੌਲ ਕਬਜ਼ੇ ਵਿੱਚ ਲੈ ਲਈ। ਪਰ ਹੈਰਾਨ ਕਰਨ ਵਾਲੀ ਗੱਲ ਇਹ ਸੀ ਕਿ ਪਿਸਤੌਲ ਜ਼ਬਤ ਕਰਨ ਤੋਂ ਬਾਅਦ ਵੀ ਉਸ ਫ਼ਰਜ਼ੀ ਕਮਾਂਡੋ ਨੂੰ ਮੁੜ ਅੰਦਰ ਭੇਜ ਦਿੱਤਾ ਗਿਆ। CISF ਦੇ ਜਵਾਨ ਉਸ ‘ਤੇ ਨਜ਼ਰ ਰੱਖਦੇ ਰਹੇ, ਪਰ VVIP ਦੀ ਜ਼ਿੰਦਗੀ ਨਾਲ ਖੇਡ ਹੋ ਚੁੱਕੀ ਸੀ।
ਇਸ ਘਟਨਾ ਨੇ ਸੁਰੱਖਿਆ ਪ੍ਰਬੰਧਾਂ ‘ਤੇ ਵੱਡੇ ਸਵਾਲ ਖੜ੍ਹੇ ਕਰ ਦਿੱਤੇ ਹਨ—ਕੀ ਸਿਰਫ਼ ਇਕ ਰੀਲ ਦੀ ਭੁੱਖ ਨੇ VVIP ਪ੍ਰੋਟੋਕਾਲ ਦੀਆਂ ਧੱਜੀਆਂ ਉਡਾ ਕੇ ਉਸਨੂੰ ਠੈਂਗਾ ਵਿਖਾ ਦਿੱਤਾ? ਕੀ BJP ਦਾ ਇਹ ਨੇਤਾ ਸ਼ੋਅਬਾਜ਼ੀ ਕਰ ਰਿਹਾ ਸੀ ਜਾਂ ਇਸ ਦੇ ਪਿੱਛੇ ਹੋਰ ਵੀ ਕੋਈ ਗੰਭੀਰ ਸਾਜ਼ਿਸ਼ ਲੁਕਿਆ ਹੋਇਆ ਸੀ?
ਪੁਲਿਸ ਕਮਿਸ਼ਨਰ ਧਨਪ੍ਰੀਤ ਕੌਰ ਦੇ ਪਹਿਲਾਂ ਜਾਰੀ ਹੁਕਮਾਂ ਵਿੱਚ ਹੋਟਲਾਂ ਅਤੇ ਪਬਲਿਕ ਇਵੈਂਟਾਂ ‘ਤੇ ਹਥਿਆਰ ਲੈ ਕੇ ਜਾਣ ‘ਤੇ ਪਾਬੰਦੀ ਹੈ — ਫਿਰ ਇਹ ਗ਼ਲਤੀ ਕਿਵੇਂ ਹੋਈ ਦੇਖਣਯੋਗ ਗੱਲ ਹੈ ਕਿ ਬਜਪ ਪਾਰਟੀ ਤੇ ਪੁਲਿਸ ਹੁਣ ਇਸ ਮਾਮਲੇ ਕਿ ਕਾਰਵਾਹੀ ਕਰਦੀ ਹੈ
