ਮਿਲਾਨ, ਇਟਲੀ: ਗੁਰਦੁਆਰਾ ਸਿੰਘ ਸਭਾ ਕੋਰਤੇਨੋਵਾ ਵੱਲੋਂ ਕਾਲਚੋ ਵਿਖੇ ਵਾਲੀਬਾਲ ਟੂਰਨਾਂਮੈਂਟ ਆਯੋਜਿਤ ਕੀਤਾ ਗਿਆ।
ਇਸ ਟੂਰਨਾਂਮੈਂਟ ਦਾ ਮਕਸਦ ਨੌਜਵਾਨਾਂ ਨੂੰ ਨਸ਼ਿਆਂ ਤੋਂ ਦੂਰ ਰੱਖਣਾ ਅਤੇ ਖੇਡਾਂ ਨਾਲ ਜੋੜਨਾ ਸੀ। ਇਟਲੀ ਭਰ ਤੋਂ ਗਿਆਰਾਂ ਟੀਮਾਂ ਨੇ ਇਸ ਵਿੱਚ ਭਾਗ ਲਿਆ। ਠੰਡ ਦੇ ਬਾਵਜੂਦ ਦਰਸ਼ਕਾਂ ਨੇ ਖੂਬ ਮਜ਼ਾ ਲਿਆ। ਫਾਈਨਲ ਮੁਕਾਬਲੇ ਵਿੱਚ ਚੜਦੀ ਕਲਾ ਸਪੋਰਟਸ ਕਲੱਬ ਲੇਨੋ ਨੇ ਉੱਨੀ ਸੋ ਚੁਰਾਸੀ ਬੈਰਗਮੋ ਸਪੋਰਟਸ ਕਲੱਬ ਨੂੰ ਹਰਾਕੇ ਕੱਪ ਆਪਣੇ ਨਾਮ ਕੀਤਾ।
ਪਹਿਲੇ ਸਥਾਨ ਤੇ ਅੱਠ ਸੋ ਯੂਰੋ, ਦੂਸਰੇ ਸਥਾਨ ਤੇ ਛੇ ਸੋ ਯੂਰੋ, ਤੀਸਰੇ ਸਥਾਨ ਤੇ ਦੋ ਸੋ ਯੂਰੋ ਅਤੇ ਕੱਪ ਦਿੱਤਾ ਗਿਆ। ਸਾਰੀਆਂ ਟੀਮਾਂ ਨੂੰ ਨਗਦ ਇਨਾਮ ਅਤੇ ਸਨਮਾਨ ਚਿੰਨ ਦਿੱਤੇ ਗਏ।
ਖਿਡਾਰੀਆਂ ਅਤੇ ਦਰਸ਼ਕਾਂ ਲਈ ਵਿਸ਼ੇਸ਼ ਲੰਗਰ ਦਾ ਪ੍ਰਬੰਧ ਕੀਤਾ ਗਿਆ। ਪ੍ਰਬੰਧਕਾਂ ਨੇ ਸਾਰੇ ਖਿਡਾਰੀਆਂ ਅਤੇ ਦਰਸ਼ਕਾਂ ਦਾ ਧੰਨਵਾਦ ਕੀਤਾ ਅਤੇ ਨਸ਼ਿਆਂ ਤੋਂ ਦੂਰ ਰਹਿਣ ਦੀ ਪ੍ਰੇਰਣਾ ਦਿੱਤੀ।
ਇਹ ਟੂਰਨਾਂਮੈਂਟ ਬੇਹੱਦ ਸਫਲ ਅਤੇ ਯਾਦਗਾਰੀ ਸਾਬਤ ਹੋਇਆ।
