ਲਾਇਸੈਂਸ ਘੱਟ ਤੇ ਦੁਕਾਨਾ ਵੱਧ ਦਾ ਖੇਡ ਕੀ ਇਸ ਵਾਰ ਚੱਲੇਗਾ ਫ਼ਿਰ ? ਪਟਾਕੇ ਵੇਚਣ ਵਿੱਚ ਹੋਏ ਪਿਛਲੇ GST ਘੋਟਾਲ਼ੇ ਦਾ Star News Punjabi ਟੀਵੀ ਕਰੇਗਾ ਪਰਦਾਫਾਸ਼!
ਜਲੰਧਰ (ਪੰਕਜ ਸੋਨੀ ):– ਅਸਥਾਈ ਪਟਾਖਾ ਮਾਰਕੀਟ ਲੱਗਣ ਤੋਂ ਪਹਿਲਾਂ ਹੀ ਸ਼ਹਿਰ ਦਾ ਮਾਹੌਲ ਗਰਮ ਹੋ ਗਿਆ ਹੈ। ਪੁਲਿਸ ਕਮਿਸ਼ਨਰ ਧਨਪ੍ਰੀਤ ਕੌਰ ਵੱਲੋਂ ਨੋਟੀਫਿਕੇਸ਼ਨ ਜਾਰੀ ਹੋਣ ਤੋਂ ਬਾਅਦ ਪੁਲਿਸ ਵਿਭਾਗ ਨੇ ਹੈਲਥ ਡਿਪਾਰਟਮੈਂਟ, ਫਾਇਰ ਬ੍ਰਿਗੇਡ, ਪੰਜਾਬ ਬਿਜਲੀ ਬੋਰਡ, ਨਗਰ ਨਿਗਮ ਸਮੇਤ ਕਈ ਹੋਰ ਸਰਕਾਰੀ ਵਿਭਾਗਾਂ ਨੂੰ ਚਿੱਠੀਆਂ ਭੇਜ ਕੇ NOC ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ। ਨਗਰ ਨਿਗਮ ਵੱਲੋਂ ਦੁਕਾਨਾਂ ਦੇ ਨਕਸ਼ੇ ਤਿਆਰ ਕਰਨ ਦੀ ਪ੍ਰਕਿਰਿਆ ਵੀ ਤੇਜ਼ ਕਰ ਦਿੱਤੀ ਗਈ ਹੈ।
ਸੂਤਰਾਂ ਮੁਤਾਬਕ ਸਰਦਾਰ ਬੈਅੰਤ ਸਿੰਘ ਪਾਰਕ ਵਿੱਚ ਪਟਾਖਾ ਮਾਰਕੀਟ ਦਾ ਲਗਣਾ ਲਗਭਗ ਪੱਕਾ ਹੋ ਗਿਆ ਹੈ, ਪਰ ਖਾਲਸਾ ਕਾਲਜ ਵਾਲੀ ਜਗ੍ਹਾ ਨੂੰ ਲੈ ਕੇ ਹਜੇ ਵੀ ਰਾਜ਼ ਕਾਇਮ ਹੈ।
ਪਰ ਸ਼ਹਿਰ ਦੇ ਲੋਕਾਂ ਵਿੱਚ ਸਭ ਤੋਂ ਵੱਡੀ ਚਰਚਾ ਇਹ ਹੈ ਕੀ ਇਸ ਵਾਰ ਵੀ ਪਿਛਲੇ ਸਾਲ ਵਾਂਗੋ ਉਹੀ ਖੇਡ ਚੱਲੇਗੀ – ਜਿੱਥੇ ਕਾਗਜ਼ਾਂ ‘ਤੇ ਘੱਟ ਲਾਇਸੰਸ ਬਣੇ ਤੇ ਮੈਦਾਨ ਵਿੱਚ ਵੱਧ ਦੁਕਾਨਾਂ ਖੁੱਲ੍ਹ ਗਈਆਂ? ਸੂਤਰਾਂ ਦਾ ਕਹਿਣਾ ਹੈ ਕਿ ਹਰ ਸਾਲ ਮਨਜ਼ੂਰਸ਼ੁਦਾ ਦੁਕਾਨਾਂ ਤੋਂ ਵੱਧ ਦੁਕਾਨਾਂ ਬਣਨ ਦੇ ਪਿੱਛੇ ਵੱਡੀ ਮਿਲੀਭਗਤ ਹੁੰਦੀ ਹੈ, ਜਿਸ ਨਾਲ ਨਾ ਸਿਰਫ਼ ਸੁਰੱਖਿਆ ਖ਼ਤਰੇ ‘ਚ ਪੈਂਦੀ ਹੈ ਸਗੋਂ ਸਰਕਾਰ ਦੇ ਰੇਵਿਨਿਊ ਨੂੰ ਵੀ ਵੱਡਾ ਨੁਕਸਾਨ ਹੁੰਦਾ ਹੈ।
ਸਭ ਤੋਂ ਧਮਾਕੇਦਾਰ ਗੱਲ – ਪਿਛਲੇ ਸਾਲ ਪਟਾਖਾ ਮਾਰਕੀਟ ਵਿੱਚ ਵੱਡੀ GST ਚੋਰੀ ਹੋਈ ਸੀ। ਸਟਾਰ ਨਿਊਜ਼ ਪੰਜਾਬੀ ਦੇ ਸੂਤਰਾਂ ਮੁਤਾਬਕ, ਇਸ ਵਾਰ ਉਸ ਚੋਰੀ ਦਾ ਵੱਡਾ ਖੁਲਾਸਾ ਕੀਤਾ ਜਾਵੇਗਾ, ਜੋ ਸ਼ਹਿਰ ਦੀ ਰਾਜਨੀਤੀ ਅਤੇ ਪ੍ਰਸ਼ਾਸਨ ਦੋਵਾਂ ਵਿੱਚ ਹਲਚਲ ਮਚਾ ਸਕਦਾ ਹੈ।
ਹੁਣ ਸਵਾਲ ਇਹ ਹੈ ਕੀ ਇਸ ਵਾਰ ਪ੍ਰਸ਼ਾਸਨ ਸਖ਼ਤੀ ਕਰੇਗਾ ਜਾਂ ਫਿਰੋਂ ਪਿਛਲੇ ਸਾਲ ਵਾਂਗੋ ਲਾਇਸੰਸਾਂ ਅਤੇ ਦੁਕਾਨਾਂ ਦਾ ਖੇਡ ਜਾਰੀ ਰਹੇਗਾ? ਸ਼ਹਿਰ ਦੇ ਵਪਾਰੀ, ਲੋਕ ਅਤੇ ਅਧਿਕਾਰੀ – ਸਭ ਇਸ ਗੱਲ ‘ਤੇ ਨਿਗਾਹਾਂ ਗਡੇ ਬੈਠੇ ਹਨ।
