ਸਟਾਰ ਨਿਊਜ਼ ਪੰਜਾਬੀ ਦਾ ਸਟਿੰਗ – ਟ੍ਰੈਵਲ ਏਜੇਂਟ ਮਾਫ਼ੀਆ ਦੀਆਂ ਜੜ੍ਹਾਂ ਹਿੱਲੀਆਂ, ਟੀਮ ਦੀਆਂ ਫ਼ੋਟੋ ਕੀਤੀਆਂ ਜਾ ਰਹੀਆਂ ਏਜੰਟਾਂ ਚ ਸ਼ੇਅਰ । ਰਾਜਨੀਤਿਕ ਨੇਤਾ ਵੀ ਇਸ ਮਾਮਲੇ ਚ ਸ਼ਾਮਲ । ਸਾਡੀ ਟੀਮ ਨੂੰ ਵਿਦੇਸ਼ੀ ਨੰਬਰਾਂ ਤੋਂ ਧਮਕੀਆਂ ਤੇ ਪੈਸੇ ਦਾ ਲਾਲਚ ! ਕਈ ਪੋਰਟਲ ਵੀ ਸਾਡੀ ਖ਼ਬਰ ਕਾਪੀ ਕਰ ਪੈਸੇ ਦੀ ਕਰ ਰਹੇ ਮੰਗ !
ਜਲੰਧਰ (ਪੰਕਜ ਸੋਨੀ) ਸਟਾਰ ਨਿਊਜ਼ ਪੰਜਾਬੀ ਦੇ The Visa House ਵਾਲੇ ਧਮਾਕੇਦਾਰ ਸਟਿੰਗ ਆਪਰੇਸ਼ਨ ਤੋਂ ਬਾਅਦ ਟਰੈਵਲ ਏਜੰਟ ਮਾਫ਼ੀਆ ਵਿੱਚ ਹੜਕੰਪ ਮਚ ਗਿਆ ਹੈ। ਖੁਲਾਸੇ ਤੋਂ ਬਾਅਦ ਮਾਫ਼ੀਆ ਵੱਲੋਂ ਸਾਡੀ ਟੀਮ ਨੂੰ ਵਿਦੇਸ਼ੀ ਨੰਬਰਾਂ ਤੋਂ ਲਗਾਤਾਰ ਕਾਲਾਂ ਆ ਰਹੀਆਂ ਹਨ — ਜਿੱਥੇ ਕਦੇ ਖ਼ਬਰ ਹਟਾਉਣ ਲਈ ਧਮਕੀ ਦਿੱਤੀ ਜਾ ਰਹੀ ਹੈ, ਤੇ ਕਦੇ ਮੋਟੀ ਰਕਮ ਦੀ ਪੇਸ਼ਕਸ਼ ਕਰਕੇ ਖ਼ਬਰ ਚੁੱਪ ਕਰਨ ਦੀ ਲਾਲਚ ਦਿੱਤੀ ਜਾ ਰਹੀ ਹੈ। ਇਹੀ ਨਹੀਂ ਸਾਡੀ ਸਟਿੰਗ ਕਰਨ ਗਈ ਟੀਮ ਦੀਆ ਤਸਵੀਰਾਂ ਇਕ ਦੂਜੇ ਨੂੰ ਸ਼ੇਅਰ ਕਰ ਕੇ ਅਲਰਟ ਕਰ ਰਹੇ ਹਨ ਜੋਕਿ ਬਾਕੀ ਏਜੇਂਟ ਸਾਵਧਾਨ ਹੋ ਸਕਣ ਸਟਾਰ ਨਿਊਜ਼ ਪੰਜਾਬੀ ਦੀ ਟੀਮ ਵਲੋਂ ਇਸ ਮਾਮਲੇ ਚ ਕੱਲ੍ਹ ਜਲੰਧਰ ਦੇ ਪੁਲਿਸ ਕਮਿਸ਼ਨਰ ਅਤੇ ਡੀਸੀ ਹੁਣਾ ਨਾਲ ਸੰਪਰਕ ਕਰ ਸਾਰਾ ਮਾਮਲਾ ਓਹਨਾ ਦੇ ਧਿਆਨ ਵਿੱਚ ਲਿਆ ਜਾਏਗਾ
ਇਹ ਸਾਰਾ ਮਾਮਲਾ ਸਾਫ਼ ਦੱਸਦਾ ਹੈ ਕਿ ਮਾਫ਼ੀਆ ਸੱਚ ਦੇ ਸਾਹਮਣੇ ਕਿੰਨਾ ਬੇਚੈਨ ਹੈ। ਪਰ ਸਟਾਰ ਨਿਊਜ਼ ਪੰਜਾਬੀ ਦੀ ਟੀਮ ਨੇ ਖੁੱਲ੍ਹਾ ਐਲਾਨ ਕੀਤਾ ਹੈ ਕਿ ਨਾ ਧਮਕੀਆਂ ਨਾਲ ਡਰਾਂਗੇ, ਨਾ ਹੀ ਪੈਸੇ ਦੀ ਲਾਲਚ ਵਿੱਚ ਆਵਾਂਗੇ। ਇਹ ਮੁਹਿੰਮ ਹੁਣ ਹੋਰ ਵੀ ਤਿੱਖੀ ਤੇ ਤੇਜ਼ ਕੀਤੀ ਜਾਵੇਗੀ।
ਇਸ ਤੋਂ ਵੱਡੀ ਗੱਲ – ਸਾਡੀ LIVE ਖ਼ਬਰ ਚੱਲਣ ਤੋਂ ਬਾਅਦ ਕਈ ਹੋਰ ਪੋਰਟਲ ਸਾਡੇ ਨਾਮ ’ਤੇ ਖ਼ਬਰ ਚਲਾ ਕੇ ਪੈਸੇ ਕੱਠੇ ਕਰ ਰਹੇ ਹਨ। ਇਹ ਜਨਤਾ ਨਾਲ ਧੋਖਾਧੜੀ ਹੈ ਅਤੇ ਇਸਦਾ ਪੂਰਾ ਹਿਸਾਬ ਲਿਆ ਜਾਵੇਗਾ।
ਸਾਡੀ ਟੀਮ ਨੇ ਐਲਾਨ ਕੀਤਾ ਹੈ ਕਿ ਧਮਕੀ ਭਰੀਆਂ ਕਾਲਾਂ, ਪੈਸੇ ਦੀ ਲਾਲਚ ਅਤੇ ਨਕਲੀ ਫੰਡ ਇਕੱਠਾ ਕਰਨ ਵਾਲੇ ਪੋਰਟਲਾਂ ਦੇ ਸਬੂਤ ਇਕੱਠੇ ਕਰਕੇ ਜਲੰਧਰ ਦੇ ਪੁਲਿਸ ਕਮਿਸ਼ਨਰ ਨੂੰ ਸ਼ਿਕਾਇਤ ਦਿੱਤੀ ਜਾਵੇਗੀ ਤਾਂ ਜੋ ਦੋਸ਼ੀਆਂ ’ਤੇ ਸਖ਼ਤ ਕਾਰਵਾਈ ਹੋ ਸਕੇ।
ਸ਼ਹਿਰ ਦੇ ਲੋਕਾਂ ਵੱਲੋਂ ਵੀ ਮੰਗ ਕੀਤੀ ਜਾ ਰਹੀ ਹੈ ਕਿ ਟਰੈਵਲ ਏਜੰਟ ਮਾਫ਼ੀਆ ਅਤੇ ਉਹਨਾਂ ਦੇ ਹਮਦਰਦਾਂ ਦਾ ਪੂਰੀ ਤਰ੍ਹਾਂ ਖ਼ਾਤਮਾ ਕੀਤਾ ਜਾਵੇ।
