ਜਲੰਧਰ (ਪੰਕਜ ਸੋਨੀ/ਨਰਿੰਦਰ ਗੁਪਤਾ) :- ਭਾਜਪਾ ਨੇਤਾ ਅਮਿਤ ਤਨੇਜਾ ਦੀ ਵਾਪਸੀ ਨੇ ਜਲੰਧਰ ਕੈਂਟ ਦੀ ਸੀਟ ‘ਤੇ ਸਿਆਸੀ ਹਲਚਲ ਨੂੰ ਹੋਰ ਤੇਜ਼ ਕਰ ਦਿੱਤਾ ਹੈ। ਵਿਦੇਸ਼ ਵਿੱਚ ਬੈਠੇ ਰਹਿਣ ਕਾਰਨ ਹੜ੍ਹ ਪੀੜਤਾਂ ਅਤੇ ਹਲਕੇ ਦੀਆਂ ਸਮੱਸਿਆਵਾਂ ਦੀ ਯਾਦ ਨਾ ਰੱਖਣ ਵਾਲੇ ਤਨੇਜਾ ਨੇ ਜਹਾਜ਼ ਤੋਂ ਉਤਰਦੇ ਹੀ ਸਰਕਾਰ ‘ਤੇ ਸਵਾਲ ਚੁੱਕ ਦਿੱਤੇ ਅਤੇ ਆਪਣੇ ਵਿਰੋਧੀਆਂ ਨੂੰ ਸਪੱਸ਼ਟ ਤੇਵਰ ਨਾਲ ਚੁਣੌਤੀ ਦਿੱਤੀ।
- ਵਿਦੇਸ਼ ਚ ਬੈਠੇ ਹੋਏ ਪੰਜਾਬ ਚ ਆਏ ਤਬਾਹੀ ਤੇ ਕੋਈ ਗੱਲ ਨਾ ਕਰਨ ਵਾਲੇ ਅਮਿਤ ਤਨੇਜਾ ਨੇ ਜਹਾਜ਼ ਚੋ ਉਤਰਦੇ ਹੀ ਸਰਕਾਰ ਤੇ ਆਰੋਪ ਲਾਇਆ ਕਿ ਇਸ ਕੁਦਰਤੀ ਆਫ਼ਤ ਪਿੱਛੇ ਸਰਕਾਰ ਦਾ ਹੱਥ ਹੈ ।
ਇਸ ਵਾਪਸੀ ਨਾਲ AAP ਦੇ ਅੰਦਰੂਨੀ ਹਲਕੇ ਦੀ ਲੜਾਈ ਦਾ ਫ਼ਾਇਦਾ ਬੀਜੇਪੀ ਨੂੰ ਮਿਲਸਕਦਾ ਹੈ । ਮੌਜੂਦਾ ਵਿਧਾਇਕ ਪ੍ਰਗਟ ਸਿੰਘ, ਡਿਪਟੀ ਮੇਅਰ ਮਲਕੀਤ ਸਿੰਘ ਸੁਬਨਾ, ਮੰਗਲ ਸਿੰਘ ਬਸੀ ਅਤੇ ਕਾਕੂ ਅਹਲੂਵਾਲੀਆ ਆਪਣੇ-ਆਪਣੇ ਧੜਿਆਂ ਨਾਲ ਵੱਖ-ਵੱਖ ਮੋਰਚੇ ਬਣਾਉਣ ਵਿੱਚ ਲੱਗੇ ਹੋਏ ਹਨ। ਇਸ ਹਲਕੇ ਦੀ ਲੜਾਈ ਨਾਲ ਸੀਟ ਤੇ ਆਮ ਆਦਮੀ ਪਾਰਟੀ ਦੇ ਵੋਟ ਬੈਂਕ ‘ਚ ਖਤਰਾ ਵੱਧ ਗਿਆ ਹੈ।
ਹਲਕੇ ਵਿੱਚ ਚੱਲ ਰਹੇ ਕੋਠੀ ਵਿਵਾਦ ਨੇ ਵੀ ਸਥਿਤੀ ਨੂੰ ਹੋਰ ਜਟਿਲ ਬਣਾ ਦਿੱਤਾ ਹੈ। ਹਾਲਾਂਕਿ ਕਾਫੀ ਲੋਕ ਮੈਡਮ ਰਾਜਵਿੰਦਰ ਕੌਰ ਥਿਆੜਾ ਨਾਲ ਜੁੜੇ ਹੋਏ ਹਨ, ਪਰ ਤਨੇਜਾ ਦੀ ਧਮਾਕੇਦਾਰ ਵਾਪਸੀ ਨੇ ਸਿਆਸੀ ਤਣਾਅ ਹੋਰ ਵਧਾ ਦਿੱਤਾ ਹੈ।
ਸਿਆਸੀ ਵਿਸ਼ਲੇਸ਼ਕਾਂ ਦਾ ਮੰਨਣਾ ਹੈ ਕਿ ਜੇ AAP ਲੀਡਰਸ਼ਿਪ ਨੇ ਸਮੇਂ ‘ਤੇ ਦਖ਼ਲ ਨਾ ਦਿੱਤਾ, ਤਾਂ ਭਾਜਪਾ ਅਤੇ ਹੋਰ ਵਿਰੋਧੀਆਂ ਲਈ ਸੀਟ ‘ਤੇ ਮੌਕਾ ਬਣ ਸਕਦਾ ਹੈ।
