ਜਲੰਧਰ (ਪੰਕਜ ਸੋਨੀ / ਹਨੀ ਸਿੰਘ ):- ਪੰਜਾਬ ਵਿੱਚ ਘਰਾਂ ਦੀਆਂ ਛੱਤਾਂ ‘ਤੇ ਵੱਖ-ਵੱਖ ਤਰ੍ਹਾਂ ਦੀਆਂ ਡਿਜ਼ਾਈਨ ਬਣਾਉਣ ਦਾ ਰਿਵਾਜ ਕਾਫ਼ੀ ਪੁਰਾਣਾ ਹੈ। ਕਈ ਥਾਵਾਂ ‘ਤੇ ਲੋਕ ਫੁੱਟਬਾਲ, ਜਹਾਜ਼ ਜਾਂ ਬਾਡੀਬਿਲਡਰ ਦੀਆਂ ਮੂਰਤੀਆਂ ਬਣਾਉਂਦੇ ਹਨ, ਪਰ ਹੁਣ ਜਲੰਧਰ ਦੇ ਕਿਸ਼ਨਪੁਰਾ ਇਲਾਕੇ ਵਿੱਚ ਇਕ ਅਜਿਹਾ ਨਜ਼ਾਰਾ ਵੇਖਣ ਨੂੰ ਮਿਲ ਰਿਹਾ ਹੈ ਜੋ ਸਭ ਦਾ ਧਿਆਨ ਆਪਣੀ ਵੱਲ ਖਿੱਚ ਰਿਹਾ ਹੈ।
ਇੱਥੇ ਇਕ ਨਵੀਂ ਬਣ ਰਹੀ ਸ਼ਾਨਦਾਰ ਹਵੇਲੀ ਦੀ ਛੱਤ ‘ਤੇ 15 ਫੁੱਟ ਉੱਚੀ Statue of Liberty ਦੀ ਤਰ੍ਹਾਂ ਮੂਰਤੀ ਤਿਆਰ ਕੀਤੀ ਗਈ ਹੈ। ਇਹ ਮੂਰਤੀ ਨਾ ਸਿਰਫ਼ ਘਰ ਦੀ ਸੁੰਦਰਤਾ ਨੂੰ ਵਧਾ ਰਹੀ ਹੈ, ਸਗੋਂ ਇਲਾਕੇ ਵਿੱਚ ਆਉਣ ਵਾਲੇ ਹਰ ਵਿਅਕਤੀ ਲਈ ਇੱਕ ਖਾਸ ਆਕਰਸ਼ਣ ਦਾ ਕੇਂਦਰ ਬਣ ਗਈ ਹੈ।
ਇਹ ਵਿਲੱਖਣ ਪ੍ਰਯਾਸ ਜਲੰਧਰ ਦੇ ਰਹਿਣ ਵਾਲੇ ਸਰਦਾਰ ਗੁਰਜੀਤ ਸਿੰਘ ਮਠਾਰੂ ਵੱਲੋਂ ਕੀਤਾ ਗਿਆ ਹੈ, ਜੋ ਪਿਛਲੇ ਕਈ ਸਾਲਾਂ ਤੋਂ ਅਮਰੀਕਾ ਵਿੱਚ ਸੈਟਲ ਹਨ ਅਤੇ ਉੱਥੇ ਬਿਲਡਿੰਗ ਦੇ ਕਾਰੋਬਾਰ ਨਾਲ ਜੁੜੇ ਹੋਏ ਹਨ। ਉਨ੍ਹਾਂ ਦਾ ਲਗਭਗ 150 ਮੈਂਬਰਾਂ ਵਾਲਾ ਵੱਡਾ ਪਰਿਵਾਰ ਕਰੀਬ 26 ਸਾਲਾਂ ਤੋਂ ਅਮਰੀਕਾ ਵਿੱਚ ਵਸਦਾ ਆ ਰਿਹਾ ਹੈ। ਇਸੇ ਕਰਕੇ ਉਨ੍ਹਾਂ ਦੀ ਸੋਚ ਵਿੱਚ ਵਿਦੇਸ਼ੀ ਅੰਦਾਜ਼ ਅਤੇ ਆਧੁਨਿਕਤਾ ਦੀ ਝਲਕ ਸਾਫ਼ ਵੇਖਣ ਨੂੰ ਮਿਲਦੀ ਹੈ।
ਗੁਰਜੀਤ ਸਿੰਘ ਮਠਾਰੂ ਨੇ ਦੱਸਿਆ ਕਿ ਉਹ ਹਮੇਸ਼ਾ ਚਾਹੁੰਦੇ ਸਨ ਕਿ ਆਪਣੇ ਸ਼ਹਿਰ ਵਿੱਚ ਕੁਝ ਅਜਿਹਾ ਬਣਾਇਆ ਜਾਵੇ ਜੋ ਵੱਖਰਾ ਹੋਵੇ ਅਤੇ ਲੋਕਾਂ ਨੂੰ ਆਕਰਸ਼ਿਤ ਕਰੇ। ਇਸ ਸੋਚ ਨੂੰ ਹਕੀਕਤ ਬਣਾਉਂਦੇ ਹੋਏ ਉਨ੍ਹਾਂ ਨੇ ਆਪਣੀ ਹਵੇਲੀ ਦੀ ਛੱਤ ‘ਤੇ Statue of Liberty ਦੀ ਮੂਰਤੀ ਬਣਵਾਉਣ ਦਾ ਫੈਸਲਾ ਕੀਤਾ।
ਉਨ੍ਹਾਂ ਮੁਤਾਬਕ ਇਸ ਪ੍ਰੋਜੈਕਟ ਨੂੰ ਤਿਆਰ ਕਰਨ ਲਈ ਕਰੀਬ 3 ਲੱਖ ਰੁਪਏ ਦਾ ਖਰਚਾ ਆਇਆ ਅਤੇ ਲਗਭਗ 25 ਦਿਨਾਂ ਤੱਕ ਮਾਹਿਰ ਟੀਮ ਨੇ ਦਿਨ-ਰਾਤ ਮਿਹਨਤ ਕਰਕੇ ਇਸਨੂੰ ਤਿਆਰ ਕੀਤਾ। ਮੂਰਤੀ ਦੀ ਡਿਜ਼ਾਈਨ, ਮਾਪ ਅਤੇ ਫਿਨਿਸ਼ਿੰਗ ‘ਤੇ ਖਾਸ ਧਿਆਨ ਦਿੱਤਾ ਗਿਆ ਹੈ, ਤਾਂ ਜੋ ਇਹ ਅਸਲੀ ਮੂਰਤੀ ਵਰਗਾ ਅਹਿਸਾਸ ਦੇ ਸਕੇ।
ਇਸ ਮੌਕੇ ‘ਤੇ ਧਾਰਮਿਕ ਰਸਮਾਂ ਵੀ ਅਦਾ ਕੀਤੀਆਂ ਗਈਆਂ। ਬਾਬਾ ਚਰਨਜੀਤ ਸਿੰਘ ਬਿੱਟਾ ਅਤੇ ਭਾਈ ਸਾਹਿਬ ਮਨਿੰਦਰ ਸਿੰਘ ਵੱਲੋਂ ਗੁਰੂ ਸਾਹਿਬ ਦੇ ਚਰਨਾਂ ਵਿੱਚ ਅਰਦਾਸ ਕੀਤੀ ਗਈ, ਤਾਂ ਜੋ ਇਹ ਨਵਾਂ ਪ੍ਰੋਜੈਕਟ ਚੜ੍ਹਦੀ ਕਲਾ ਵਿੱਚ ਰਹੇ ਅਤੇ ਪਰਿਵਾਰ ‘ਤੇ ਵਾਹਿਗੁਰੂ ਦੀ ਕਿਰਪਾ ਬਣੀ ਰਹੇ।
ਇਸ ਦੇ ਨਾਲ ਹੀ ਗੁਰਜੀਤ ਸਿੰਘ ਮਠਾਰੂ ਵੱਲੋਂ ਇਕ ਵੱਡੀ ਅਤੇ ਸ਼ਾਨਦਾਰ ਹਵੇਲੀ ਵੀ ਤਿਆਰ ਕੀਤੀ ਜਾ ਰਹੀ ਹੈ। ਉਹ ਚਾਹੁੰਦੇ ਹਨ ਕਿ ਇਹ ਹਵੇਲੀ ਮਸ਼ਹੂਰ ਪੰਜਾਬੀ ਗਾਇਕ Sidhu Moosewala ਦੀ ਹਵੇਲੀ ਦੀ ਤਰ੍ਹਾਂ ਬਣੇ। ਉਨ੍ਹਾਂ ਨੇ ਕਿਹਾ ਕਿ ਉਹ ਸਿੱਧੂ ਮੂਸੇਵਾਲਾ ਦੇ ਵੱਡੇ ਫੈਨ ਹਨ ਅਤੇ ਇਹ ਹਵੇਲੀ ਵੀ ਉਨ੍ਹਾਂ ਦੀ ਯਾਦ ਅਤੇ ਪ੍ਰੇਰਣਾ ਨਾਲ ਬਣਾਈ ਜਾ ਰਹੀ ਹੈ।
ਇਸ ਪ੍ਰੋਜੈਕਟ ਨੂੰ ਸਫਲ ਬਣਾਉਣ ਵਿੱਚ ਕਈ ਸਥਾਨਕ ਦੋਸਤਾਂ ਅਤੇ ਸਹਿਯੋਗੀਆਂ ਨੇ ਭਰਪੂਰ ਸਹਿਯੋਗ ਦਿੱਤਾ। ਨਾਲ ਹੀ ਕਾਕਾ ਕਿਸ਼ਨਪੁਰਾ ਵਾਲਾ ਵੱਲੋਂ ਵੀ ਇਸ ਯਤਨ ਨੂੰ ਖਾਸ ਤੌਰ ‘ਤੇ ਪ੍ਰੋਤਸਾਹਿਤ ਕੀਤਾ ਗਿਆ, ਜਿਸ ਨਾਲ ਇਹ ਯੋਜਨਾ ਹੋਰ ਵੀ ਮਜ਼ਬੂਤ ਹੋਈ।
ਸਥਾਨਕ ਨਿਵਾਸੀਆਂ ਵਿੱਚ ਇਸ ਨਵੇਂ ਪ੍ਰਯਾਸ ਨੂੰ ਲੈ ਕੇ ਕਾਫ਼ੀ ਉਤਸ਼ਾਹ ਵੇਖਣ ਨੂੰ ਮਿਲ ਰਿਹਾ ਹੈ। ਲੋਕ ਦੂਰ-ਦੂਰ ਤੋਂ ਆ ਕੇ ਇਸ ਮੂਰਤੀ ਨੂੰ ਦੇਖ ਰਹੇ ਹਨ ਅਤੇ ਫੋਟੋਆਂ ਖਿੱਚ ਰਹੇ ਹਨ। ਕਈ ਲੋਕਾਂ ਦਾ ਮੰਨਣਾ ਹੈ ਕਿ ਇਸ ਤਰ੍ਹਾਂ ਦੇ ਨਵੇਂ ਅਤੇ ਕ੍ਰਿਏਟਿਵ ਆਈਡੀਆ ਜਲੰਧਰ ਨੂੰ ਇੱਕ ਨਵੀਂ ਪਹਚਾਣ ਦੇ ਸਕਦੇ ਹਨ ਅਤੇ ਭਵਿੱਖ ਵਿੱਚ ਟੂਰਿਜ਼ਮ ਨੂੰ ਵੀ ਵੱਡਾ ਫਾਇਦਾ ਹੋ ਸਕਦਾ ਹੈ।
ਕੁੱਲ ਮਿਲਾ ਕੇ, ਕਿਸ਼ਨਪੁਰਾ ਵਿੱਚ ਬਣੀ ਇਹ 11 ਫੁੱਟ ਉੱਚੀ ਮੂਰਤੀ ਹੁਣ ਜਲੰਧਰ ਦਾ ਇਕ ਨਵਾਂ ਆਕਰਸ਼ਣ ਬਣਦੀ ਜਾ ਰਹੀ ਹੈ, ਜੋ ਸ਼ਹਿਰ ਦੀ ਸ਼ਾਨ ਨੂੰ ਹੋਰ ਵਧਾ ਰਹੀ ਹੈ ਅਤੇ ਨੌਜਵਾਨਾਂ ਲਈ ਨਵੀਂ ਸੋਚ ਦੀ ਪ੍ਰੇਰਣਾ ਬਣ ਰਹੀ ਹੈ।
ਸਰਦਾਰ ਗੁਰਜੀਤ ਸਿੰਘ ਮਠਾਰੂ ਅਤੇ ਸਤਨਾਮ ਸਿੰਘ (ਉਸ) ਦੁਸਯਾ ਕਿ ਇਸ ਪ੍ਰੋਜੈਕਟ ਵਿੱਚ ਕਈ ਸਥਾਨਕ ਅਤੇ ਵਿਦੇਸ਼ ਬੈਠੇ ਦੋਸਤਾਂ ਅਤੇ ਸਹਿਯੋਗੀਆਂ ਨੇ ਵੀ ਆਪਣਾ ਯੋਗਦਾਨ ਦਿੱਤਾ, ਜਿਨ੍ਹਾਂ ਵਿੱਚ ਚਰਨਜੀਤ ਸਿੰਘ ਝਲੀ usa, ਮਨੋਜ ਹੈਪੀ usa , ਨਿਹੰਗ ਸਿੰਘ ਬਾਬਾ ਜਗਜੀਵਨ ਸਿੰਘ (ਤਰਨਾ ਦਲ), ਹਰਮੇਲ ਹੈਰੀusa, ਕਸ਼ਮੀਰਾ ਸਿੰਘusa, ਅਮਰਿਕ ਸਿੰਘusa, ਹਰਪਿੰਦਰ ਬਿੱਟੂusa, ਜਸਵੰਤ ਬੰਗਾusa, ਬਲਵਿੰਦਰ ਸਿੰਘ ਬਾਜਵਾusa, ਅਸ਼ੋਕ ਮਾਹੀusa, ਧੀਰਜ ਕੁਮਾਰusa, ਪਰਮਜੀਤ ਸਿੰਘ ਪੰਮੀusa, ਰਾਜਿੰਦਰ ਕੁਮਾਰ ਲਾਡੀusa, ਅਕਾਸ਼ ਪਾਸੀ, ਹਰੀਸ਼ ਬਰਾੜ, ਵਿਸ਼ਾਲ ਕੁੰਦਰਾ, ਰਾਜ ਕੁਮਾਰ ਸੱਤੀ , ਪਰਮਜੀਤ , ਪੁਸ਼ਪਿੰਦਰ ਸਿੰਘ, ਚਿੰਟੂ ਕੁਮਾਰ, ਹਰਜਿੰਦਰ ਸਿੰਘ ਰਾਜਾusa , ਸੋਨੂ ਦੁੱਗਲ, ਪ੍ਰਿੰਸ ਐਡਵੋਕੇਟ, ਮੰਨੂ ਰੱਤੀ ਅਤੇ ਸਤਨਾਮ ਸਿੰਘ (USA)
