ਪਟਿਆਲਾ ਵਿੱਚ ਇੱਕ ਹੈਰਾਨ ਕਰਨ ਵਾਲੀ ਘਟਨਾ ਸਾਹਮਣੇ ਆਈ ਹੈ, ਜਿੱਥੇ ਸਿਰਫ਼ 1,200 ਰੁਪਏ ਦੇ ਬਿੱਲ ਨੂੰ ਲੈ ਕੇ ਹੋਈ ਬਹਿਸ ਨੇ ਇੱਕ ਮਾਸੂਮ ਵਿਅਕਤੀ ਦੀ ਜਾਨ ਲੈ ਲਈ।
ਰਿਪੋਰਟਾਂ ਅਨੁਸਾਰ, 1 ਨਵੰਬਰ ਦੀ ਰਾਤ ਨੂੰ ਛੇ ਨੌਜਵਾਨ ਪੋਲੋ ਗਰਾਊਂਡ ਨੇੜੇ ਕੋਹਲੀ ਢਾਬੇ ‘ਤੇ ਜਨਮਦਿਨ ਮਨਾਉਣ ਲਈ ਖਾਣਾ ਖਾਣ ਆਏ। ਖਾਣਾ ਖਾਣ ਤੋਂ ਬਾਅਦ, ਜਦੋਂ ਬਿੱਲ 1,200 ਰੁਪਏ ਦਾ ਆਇਆ, ਤਾਂ ਨੌਜਵਾਨਾਂ ਨੇ ਛੁਟ ਦੀ ਮੰਗ ਕੀਤੀ।
ਫਿਰ ਢਾਬੇ ਦੇ ਕਰਮਚਾਰੀ ਸੰਤੋਸ਼ ਯਾਦਵ ਨੇ ਇਨਕਾਰ ਕਰ ਦਿੱਤਾ, ਤਾਂ ਬਹਿਸ ਵਧ ਗਈ ਅਤੇ ਲੜਾਈ ਨੇ ਹਿੰਸਕ ਰੂਪ ਲੈ ਲਿਆ
ਗੁੱਸੇ ਵਿੱਚ ਆ ਕੇ, ਇੱਕ ਨੌਜਵਾਨ ਨੇ ਸੰਤੋਸ਼ ਯਾਦਵ ‘ਤੇ ਚਾਕੂ ਨਾਲ ਹਮਲਾ ਕਰ ਦਿੱਤਾ, ਜਿਸ ਨਾਲ ਉਸਨੂੰ ਗੰਭੀਰ ਰੂਪ ਵਿੱਚ ਜ਼ਖਮੀ ਕਰ ਦਿੱਤਾ ਗਿਆ ਅਤੇ ਉਸਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ।
ਇਸ ਘਟਨਾ ਨੇ ਪੂਰੇ ਇਲਾਕੇ ਵਿੱਚ ਸਨਸਨੀ ਫੈਲਾ ਦਿੱਤੀ ਹੈ, ਅਤੇ ਲੋਕ ਸਵਾਲ ਕਰ ਰਹੇ ਹਨ ਕਿ ਸਿਰਫ਼ 1,200 ਰੁਪਏ ਲਈ ਇੱਕ ਮਾਸੂਮ ਵਿਅਕਤੀ ਨੂੰ ਕਿਵੇਂ ਮਾਰਿਆ ਜਾ ਸਕਦਾ ਹੈ।
