ਕੁਝ ਦਿਨ ਪਹਿਲਾਂ ਐਨਆਈਐਸ ਚੌਂਕ ਨੇੜੇ ਨਗਰ ਨਿਗਮ ਵੱਲੋਂ ਨਜਾਇਜ਼ ਕਬਜੇ ਹਟਾਏ ਗਏ ਸੀ | ਜਿਸ ਦੇ ਸਬੰਧ ਵਿੱਚ ਅੱਜ ਡੀਐਸਪੀ ਸਿਟੀ 1 ਸਤਨਾਮ ਸਿੰਘ ਨੇ ਜਾਣਕਾਰੀ ਦਿੱਤੀ ਕਿ ਐਨਆਈਐਸ ਚੌਂਕ ਵਿੱਚ ਗੁਰਦੁਆਰਾ ਸਾਹਿਬ ਦੀ ਬਿਲਡਿੰਗ ਬਣੀ ਹੋਈ ਸੀ ਤੇ ਕੁਝ ਉਸਾਰੀ ਕੀਤੀ ਹੋਈ ਸੀ |
ਜਿਸ ਦੇ ਸਬੰਧ ਵਿੱਚ ਕੁਝ ਦਿਨ ਪਹਿਲਾਂ ਨਗਰ ਨਿਗਮ ਦੀ ਟੀਮ ਆਈ ਸੀ | ਜਿਸਦਾ ਇੱਥੇ ਇੱਕਦਮ ਰੌਲਾ ਪੈ ਗਿਆ | ਉਸ ਸਮੇਂ 15 ਅਗਸਤ ਹੋਣ ਕਰਕੇ ਸਮਾਂ ਦਿੱਤਾ ਗਿਆ ਸੀ | ਅੱਜ ਕੁਝ ਸਿੱਖ ਜਥੇਬੰਦੀਆਂ ਤੇ ਨਿਹੰਗ ਜਥੇਬੰਦੀਆਂ ਵੱਲੋਂ ਇੱਕ ਮੰਗ ਪੱਤਰ ਦਿੱਤਾ ਗਿਆ ਜੋ ਨਗਰ ਨਿਗਮ ਕਮਿਸ਼ਨਰ, ਐਸ ਐਸ ਪੀ ਪਟਿਆਲਾ ਤੇ ਡਿਪਟੀ ਕਮਿਸ਼ਨਰ ਪਟਿਆਲਾ ਨੂੰ ਦਿੱਤਾ ਗਿਆ |
ਜਿਸ ਵਿੱਚ ਕੁਝ ਨਗਰ ਨਿਗਮ ਦੇ ਕਰਮਚਾਰੀਆਂ ਦੇ ਖਿਲਾਫ ਇਲਜ਼ਾਮ ਲਗਾਏ ਗਏ ਹਨ | ਜਿਨਾਂ ਦੀ ਪੜਤਾਲ ਕੀਤੀ ਜਾਵੇਗੀ | ਅੱਜ ਉਹ ਮੰਗ ਪੱਤਰ ਲਿਆ ਗਿਆ ਹੈ ਤੇ ਪੜਤਾਲ ਤੋਂ ਬਾਅਦ ਬਣਦੀ ਕਾਰਵਾਈ ਕੀਤੀ ਜਾਵੇਗੀ | ਇਹਨਾਂ ਨੂੰ ਭਰੋਸਾ ਦਿੱਤਾ ਗਿਆ ਤੇ ਧਰਨਾ ਚੁਕਵਾਇਆ ਗਿਆ ਤੇ ਰਸਤਾ ਖੁਲਵਾ ਦਿੱਤਾ ਗਿਆ ਹੈ |
