ਵਿਆਹ ਤੋਂ ਬਾਅਦ ਬੇਰੋਜ਼ਗਾਰ ਪਤੀ ਸਾਰਾ ਦਿਨ ਖੇਡਦਾ ਸੀ PUBG, ਪਤਨੀ ਨੇ ਰੋਕਿਆ ਤਾਂ ਪਤੀ ਨੇ ਕੀਤਾ ਇਹ ਕੰਮ ਜਿਸਨੂੰ ਸੁਣ ਕੇ ਸਾਰੇ ਹੋ ਗਏ ਹੈਰਾਨ
ਮੱਧ ਪ੍ਰਦੇਸ਼ ਦੇ ਰੀਵਾ ਜ਼ਿਲ੍ਹੇ ਦੇ ਗੁਧ ਥਾਣਾ ਖੇਤਰ ਵਿੱਚ ਇੱਕ ਨਵ-ਵਿਆਹੀ ਮਹਿਲਾ ਦੀ ਲਾਸ਼ ਮਿਲਣ ਨਾਲ ਹੜਕੰਪ ਮਚ ਗਿਆ ਹੈ। ਮ੍ਰਿਤਕਾ ਦੀ ਪਛਾਣ ਨੇਹਾ ਪਟੇਲ ਵਜੋਂ ਹੋਈ ਹੈ ਅਤੇ ਉਸਦੇ ਪਤੀ ‘ਤੇ ਉਸਦੀ ਹੱਤਿਆ ਕਰਨ ਦਾ ਗੰਭੀਰ ਆਰੋਪ ਲੱਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਨੇਹਾ ਵੱਲੋਂ PUBG ਖੇਡਣ ਤੋਂ ਇਨਕਾਰ ਕਰਨ ‘ਤੇ ਦੋਹਾਂ ਵਿਚਕਾਰ ਤਕਰਾਰ ਹੋਈ, ਜਿਸ ਤੋਂ ਬਾਅਦ ਗੁੱਸੇ ਵਿੱਚ ਪਤੀ ਨੇ ਉਸਦੀ ਹੱਤਿਆ ਕਰ ਦਿੱਤੀ।
ਸਿਰਫ਼ ਛੇ ਮਹੀਨੇ ਪਹਿਲਾਂ ਹੋਇਆ ਸੀ ਵਿਆਹ
ਜਾਣਕਾਰੀ ਮੁਤਾਬਕ ਨੇਹਾ ਦਾ ਵਿਆਹ 5 ਮਈ 2025 ਨੂੰ ਹਿੰਦੂ ਰੀਤੀ-ਰਿਵਾਜਾਂ ਅਨੁਸਾਰ ਗੁਧਵਾ ਦੇ ਰਿਹਾਇਸ਼ੀ ਰਣਜੀਤ ਨਾਲ ਹੋਇਆ ਸੀ। ਛੇ ਮਹੀਨੇ ਪਹਿਲਾਂ ਜਿਨ੍ਹਾਂ ਨਾਲ ਅੱਗ ਦੇ ਸਾਹਮਣੇ 7 ਫੇਰੇ ਲੈ ਕੇ ਸਾਰੀ ਜ਼ਿੰਦਗੀ ਨਿਭਾਉਣ ਦੀਆਂ ਕਸਮਾਂ ਖਾਧੀਆਂ, ਉਸੇ ਪਤੀ ਨੇ ਹੁਣ ਉਸਦੀ ਜਾਨ ਲੈ ਲਈ।
ਦੱਸਿਆ ਜਾ ਰਿਹਾ ਹੈ ਕਿ ਰਣਜੀਤ ਪਟੇਲ ਮੋਬਾਈਲ ਫੋਨ ‘ਤੇ PUBG ਖੇਡਣ ਦਾ ਬਹੁਤ ਆਦੀ ਸੀ। ਉਸਨੂੰ ਆਪਣੀ ਪਤਨੀ ਦੀ ਕੋਈ ਗੱਲ ਪਸੰਦ ਨਹੀਂ ਆਉਂਦੀ ਸੀ। ਉਹ ਦਾਜ਼ ਦੀ ਮੰਗ ਕਰਦਾ ਸੀ, ਜਿਸਨੂੰ ਨੇਹਾ ਦੇ ਮਾਪੇ ਪੂਰਾ ਨਹੀਂ ਕਰ ਸਕੇ। ਇਸੇ ਗੱਲ ਨੂੰ ਲੈ ਕੇ ਉਹ ਅਕਸਰ ਪਤਨੀ ਨਾਲ ਬਹਿਸ ਕਰਦਾ ਸੀ। ਰਣਜੀਤ ਘਰ ਦਾ ਕੋਈ ਕੰਮ ਨਹੀਂ ਕਰਦਾ ਸੀ ਅਤੇ ਜ਼ਿਆਦਾਤਰ ਸਮਾਂ PUBG ਖੇਡਣ ਵਿੱਚ ਬਿਤਾਉਂਦਾ ਸੀ।
ਕਤਲ ਕਰਕੇ ਪਤੀ ਹੋਇਆ ਫਰਾਰ
ਆਰੋਪ ਹੈ ਕਿ ਮੰਗਲਵਾਰ ਨੂੰ ਨੇਹਾ ਨੇ ਉਸਨੂੰ PUBG ਛੱਡ ਕੇ ਕੰਮ ਕਰਨ ਲਈ ਕਿਹਾ, ਜਿਸ ‘ਤੇ ਉਹ ਬਹੁਤ ਗੁੱਸੇ ਵਿੱਚ ਆ ਗਿਆ। ਗੁੱਸੇ ਵਿੱਚ ਰਣਜੀਤ ਨੇ ਤੌਲੀਏ ਨਾਲ ਨੇਹਾ ਦਾ ਗਲਾ ਘੁੱਟ ਕੇ ਉਸਦੀ ਹੱਤਿਆ ਕਰ ਦਿੱਤੀ। ਕਤਲ ਕਰਨ ਤੋਂ ਬਾਅਦ ਉਸਨੇ ਆਪਣੇ ਸਾਢੂ ਨੂੰ ਮੈਸਜ ਕਰਕੇ ਇਹ ਗੱਲ ਦੱਸੀ ਕਿ ਉਸਨੇ ਨੇਹਾ ਨੂੰ ਮਾਰ ਦਿੱਤਾ ਹੈ। ਇਸ ਵੇਲੇ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ ਅਤੇ ਮ੍ਰਿਤਕਾ ਦੇ ਪਰਿਵਾਰ ਦੇ ਬਿਆਨ ਲਏ ਜਾ ਰਹੇ ਹਨ। ਪੁਲਿਸ ਆਰੋਪੀ ਦੀ ਗ੍ਰਿਫ਼ਤਾਰੀ ਲਈ ਛਾਪੇਮਾਰੀ ਕਰ ਰਹੀ ਹੈ।
