ਧਾਰੀਵਾਲ ਸ਼ਹਿਰ ਵਿੱਚ ਪਿਛਲੇ ਲੰਮੇ ਸਮੇਂ ਤੋਂ ਚੱਲ ਰਹੀ ਟਰੈਫਿਕ ਸਮੱਸਿਆ ਹੁਣ ਬਹੁਤ ਗੰਭੀਰ ਹੋ ਚੁੱਕੀ ਹੈ।
ਪਿਛਲੇ ਇੱਕ ਹਫ਼ਤੇ ਤੋਂ ਰੋਜ਼ਾਨਾ ਤਿੰਨ-ਤਿੰਨ ਘੰਟਿਆਂ ਤੱਕ ਲੱਗਣ ਵਾਲੇ ਜਾਮ ਨੇ ਲੋਕਾਂ ਦਾ ਜੀਣਾ ਮੁਸ਼ਕਲ ਕਰ ਦਿੱਤਾ ਹੈ।
ਮੀਡੀਆ ਵੱਲੋਂ ਮੁੱਦਾ ਉਠਾਏ ਜਾਣ ਤੋਂ ਬਾਅਦ, ਆਖ਼ਿਰਕਾਰ ਟਰੈਫਿਕ ਪੁਲਿਸ ਹਰਕਤ ਵਿੱਚ ਆ ਗਈ ਹੈ।
ਅੱਜ ਗੁਰਦਾਸਪੁਰ ਤੋਂ ਜ਼ਿਲਾ ਟਰੈਫਿਕ ਇੰਚਾਰਜ ਏਐਸਆਈ ਸਤਨਾਮ ਸਿੰਘ ਆਪਣੀ ਟੀਮ ਸਮੇਤ ਧਾਰੀਵਾਲ ਪਹੁੰਚੇ।
ਉਹਨਾਂ ਨੇ ਡਡਵਾਂ ਰੋਡ ਚੌਂਕ, ਧਾਰੀਵਾਲ ਪੁਲਿਸ ਸਟੇਸ਼ਨ ਦੇ ਨੇੜੇ ਤੇ ਨਵੀਂ ਬਾਦੀ ਸਮੇਤ ਕਈ ਇਲਾਕਿਆਂ ਵਿੱਚ ਚੈਕਿੰਗ ਮੁਹਿੰਮ ਚਲਾਈ।
ਇਸ ਦੌਰਾਨ ਪਟਾਕੇ ਮਾਰਣ ਵਾਲੀਆਂ ਬੁੱਲਟ ਮੋਟਰਸਾਈਕਲਾਂ ਦੀ ਖਾਸ ਤੌਰ ‘ਤੇ ਘੇਰਾਬੰਦੀ ਕੀਤੀ ਗਈ ਅਤੇ ਹਜ਼ਾਰਾਂ ਰੁਪਏ ਦੇ ਚਲਾਨ ਕੱਟੇ ਗਏ।
ਲੋਕਾਂ ਨੇ ਕਈ ਸਮੇਂ ਤੋਂ ਬੁਲਟ ਦੇ ਪਟਾਕਿਆਂ ਕਰਕੇ ਪੈਦਾ ਹੋ ਰਹੀ ਸ਼ੋਰ-ਸ਼ਰਾਬੇ ਦੀ ਸਮੱਸਿਆ ਨੂੰ ਲੈ ਕੇ ਸ਼ਿਕਾਇਤ ਕੀਤੀ ਸੀ।
ਟਰੈਫਿਕ ਇੰਚਾਰਜ ਸਤਨਾਮ ਸਿੰਘ ਨੇ ਮੌਕੇ ‘ਤੇ ਗੱਲਬਾਤ ਕਰਦੇ ਕਿਹਾ:
ਸ਼ਹਿਰ ਦੀ ਅੱਧੀ ਟਰੈਫਿਕ ਸਮੱਸਿਆ ਦੀ ਜੜ੍ਹ ਦੁਕਾਨਦਾਰਾਂ ਵੱਲੋਂ ਦੁਕਾਨਾਂ ਦੇ ਬਾਹਰ ਪਾਇਆ ਸਮਾਨ ਹੈ।
ਦੁਕਾਨਦਾਰਾਂ ਨੂੰ ਖੁਦ ਸਮਝਦਾਰੀ ਵਰਤਣ ਦੀ ਲੋੜ ਹੈ।
ਨੌਜਵਾਨ ਸਿਰਫ਼ ਹੀਰੋ ਬਣਨ ਲਈ ਬੁਲੇਟ ਦੇ ਪਟਾਕੇ ਮਾਰਦੇ ਹਨ, ਪਰ ਇਹ ਕੰਮ ਗੈਰ ਕਾਨੂੰਨੀ ਅਤੇ ਖ਼ਤਰਨਾਕ ਦੋਵੇਂ ਹੈ।
ਉਹਨਾਂ ਨੇ ਚੇਤਾਵਨੀ ਦਿੱਤੀ ਕਿ ਆਉਣ ਵਾਲੇ ਸਮੇਂ ਵਿੱਚ ਬੁੱਲਟ ਪਟਾਕੇ ਮਾਰਣ ਵਾਲਿਆਂ ਖ਼ਿਲਾਫ ਹੋਰ ਵੀ ਸਖ਼ਤ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
ਅੰਤ ਵਿੱਚ, ਟਰੈਫਿਕ ਇੰਚਾਰਜ ਨੇ ਸ਼ਹਿਰ ਵਾਸੀਆਂ ਨੂੰ ਅਪੀਲ ਕੀਤੀ—
ਟਰੈਫਿਕ ਨਿਯਮਾਂ ਦੀ ਪਾਲਣਾ ਕਰੋ, ਤਾਂ ਜੋ ਧਾਰੀਵਾਲ ਦੀ ਟਰੈਫਿਕ ਸਮੱਸਿਆ ਨੂੰ ਘਟਾਇਆ ਜਾ ਸਕੇ।
