ਜਲੰਧਰ (ਹਨੀ ਸਿੰਘ) – ਸ਼ਹਿਰ ਦੇ ਫਗਵਾੜਾ ਗੇਟ ਇਲਾਕੇ ‘ਚ ਅਵੈਧ ਲਾਟਰੀ ਤੇ ਸੱਟੇਬਾਜ਼ੀ ਦਾ ਗੈਰਕਾਨੂੰਨੀ ਕਾਰੋਬਾਰ ਧੜੱਲੇ ਨਾਲ ਚੱਲ ਰਿਹਾ ਹੈ। ਸੂਤਰਾਂ ਮੁਤਾਬਕ, ਮੋਨੂ ਨਾਮਕ ਵਿਅਕਤੀ, ਜੋ ਪਹਿਲਾਂ ਵੀ ਕਈ ਮਾਮਲਿਆਂ ਵਿੱਚ ਫ਼ਸ ਚੁੱਕਾ ਹੈ, ਹੁਣ ਘਰ ਬੈਠੇ ਹੀ ਇਹ ਗੈਰਕਾਨੂੰਨੀ ਧੰਧਾ ਚਲਾ ਰਿਹਾ ਹੈ।
ਲੋਕਾਂ ਦਾ ਕਹਿਣਾ ਹੈ ਕਿ ਇਹ ਸਾਰਾ ਖੇਡ ਪੁਲਿਸ ਦੀ ਮਿਲੀਭੁਗਤ ਨਾਲ ਚੱਲ ਰਿਹਾ ਹੈ। ਮੋਨੂ ਪੁਲਿਸ ਦੀ ਨੱਕ ਹੇਠ ਬੈਠ ਕੇ ਖੁੱਲ੍ਹੇਆਮ ਇਹ ਧੰਧਾ ਕਰ ਰਿਹਾ ਹੈ, ਪਰ ਹੈਰਾਨੀ ਦੀ ਗੱਲ ਇਹ ਹੈ ਕਿ ਕੋਈ ਵੀ ਪੁਲਿਸ ਅਧਿਕਾਰੀ ਇਸ ਗੈਰਕਾਨੂੰਨੀ ਕੰਮ ਨੂੰ ਰੋਕਣ ਲਈ ਅੱਗੇ ਨਹੀਂ ਆ ਰਿਹਾ।
ਮੋਨੂ ਹਰ ਰੋਜ਼ ਸੱਟੇ ਅਤੇ ਡੱਬਲ ਨੰਬਰਾਂ ਦੇ ਜ਼ਰੀਏ ਲੋਕਾਂ ਤੋਂ ਹਜ਼ਾਰਾਂ ਰੁਪਏ ਇਕੱਠੇ ਕਰਦਾ ਹੈ। ਇਲਾਕੇ ਵਾਸੀਆਂ ਦਾ ਦੋਸ਼ ਹੈ ਕਿ ਪੁਲਿਸ ਚੁੱਪ ਬੈਠੀ ਹੈ, ਜਿਸ ਨਾਲ ਅਜਿਹੇ ਲੋਕਾਂ ਦੇ ਹੋਂਸਲੇ ਹੋਰ ਵੱਧ ਰਹੇ ਹਨ।
ਲੋਕਾਂ ਨੇ ਮੰਗ ਕੀਤੀ ਹੈ ਕਿ ਫਗਵਾੜਾ ਗੇਟ ਇਲਾਕੇ ਵਿੱਚ ਚੱਲ ਰਹੇ ਇਸ ਅਵੈਧ ਲਾਟਰੀ ਤੇ ਸੱਟੇਬਾਜ਼ੀ ਦੇ ਜਾਲ ‘ਤੇ ਤੁਰੰਤ ਕਾਰਵਾਈ ਹੋਵੇ, ਅਤੇ ਪੁਲਿਸ ਅਧਿਕਾਰੀਆਂ ਦੀ ਭੂਮਿਕਾ ਦੀ ਵੀ ਜਾਂਚ ਕੀਤੀ ਜਾਵੇ ਜੋ ਇਸ ਖੇਡ ਦੇ ਪਿੱਛੇ ਹੋ ਸਕਦੇ ਹਨ।
