ਨੇਤਾ ਜੀ ਤੇ ਪੱਤਰਕਾਰੀ ਦਾ ਹੋਇਆ ਭੂਤ ਸਵਾਰ । ਪੁਲਿਸ ਨੇ ਲਿੱਤਾ ਹਿਰਾਸਤ ਚ । ਮਾਫ਼ੀ ਮੰਗ ਜਾਨ ਛੁਡਾਈ !
ਯਮੁਨਾਨਗਰ – ਸਿਆਸੀ ਗਰਮਾਹਟ ਵਿਚਕਾਰ ਸ਼ਨੀਵਾਰ ਨੂੰ ਵੱਡਾ ਡਰਾਮਾ ਦੇਖਣ ਨੂੰ ਮਿਲਿਆ। ਜ਼ਿਲ੍ਹਾ ਪ੍ਰਧਾਨ ਸਵੇਰੇ ਦਸਹਿਰਾ ਗਰਾਊਂਡ ਵਿਚ ਚੱਲ ਰਹੀ ਪਾਥਵੇ ਨਿਰਮਾਣ ਬਾਰੇ ਨਿਗਮ ਅਧਿਕਾਰੀਆਂ ਅਤੇ ਸਥਾਨਕ ਲੋਕਾਂ ਨਾਲ ਗੱਲਬਾਤ ਦੌਰਾਨ ਅਚਾਨਕ ਪੱਤਰਕਾਰ ਬਣ ਬੈਠਿਆ। ਉਹ ਪੁਲਿਸ ਅਧਿਕਾਰੀਆਂ ਤੋਂ ਸਵਾਲ ਪੁੱਛਣ ਤੇ ਵੀਡੀਓ ਰਿਕਾਰਡਿੰਗ ਕਰਨ ਲੱਗ ਪਿਆ।
ਜਦੋਂ ਮੌਕੇ ‘ਤੇ ਤੈਨਾਤ ਪੁਲਿਸ ਕਰਮਚਾਰੀ ਨੇ ਉਸਦਾ ਮੀਡੀਆ ਕਾਰਡ ਮੰਗਿਆ ਤਾਂ ਪੋਲ ਖੁੱਲ ਗਈ ਕਿ ਉਹ ਕਿਸੇ ਵੀ ਮੀਡੀਆ ਸੰਸਥਾ ਨਾਲ ਨਹੀਂ ਜੁੜਿਆ। ਤੁਰੰਤ ਪੁਲਿਸ ਨੇ ਉਸਨੂੰ ਕਾਬੂ ਕਰਕੇ ਹਿਰਾਸਤ ‘ਚ ਲੈ ਲਿਆ। ਦੋਸ਼ ਲਾਇਆ ਗਿਆ ਕਿ ਉਹ ਪੱਤਰਕਾਰ ਬਣਕੇ ਲੋਕਾਂ ਵਿੱਚ ਨਿਊਜ਼ ਬਣਾਉਂਦਾ ਅਤੇ ਹੰਗਾਮਾ ਕਰਦਾ ਫਿਰ ਰਿਹਾ ਸੀ।
ਇਸ ਘਟਨਾ ਦੀ ਖ਼ਬਰ ਜਿਵੇਂ ਹੀ ਪਾਰਟੀ ਵਰਕਰਾਂ ਤੱਕ ਪਹੁੰਚੀ, ਥਾਣੇ ‘ਤੇ ਭੀੜ ਇਕੱਠੀ ਹੋ ਗਈ। ਘੰਟਿਆਂ ਦੀ ਪੁੱਛਗਿੱਛ ਤੋਂ ਬਾਅਦ ਜ਼ਿਲ੍ਹਾ ਪ੍ਰਧਾਨ ਨੇ ਲਿਖਤ ਵਿੱਚ ਮਾਫ਼ੀ ਮੰਗੀ, ਜਿਸ ਤੋਂ ਬਾਅਦ ਪੁਲਿਸ ਨੇ ਚੇਤਾਵਨੀ ਦੇ ਕੇ ਉਸਨੂੰ ਰਿਹਾ ਕਰ ਦਿੱਤਾ।
ਮੌਕੇ ‘ਤੇ ਜ਼ਿਲ੍ਹੇ ਦੇ ਕਈ ਸੀਨੀਅਰ ਪੱਤਰਕਾਰ ਵੀ ਮੌਜੂਦ ਸਨ, ਜਿਨ੍ਹਾਂ ਨੇ ਕਿਹਾ ਕਿ ਇਸ ਤਰ੍ਹਾਂ ਦੀ ਨਕਲ ਪੱਤਰਕਾਰਤਾ ਦੀ ਇੱਜ਼ਤ ਘਟਾਉਂਦੀ ਹੈ। ਪੁਲਿਸ ਨੇ ਵੀ ਸਖ਼ਤ ਸੰਦੇਸ਼ ਦਿੱਤਾ ਕਿ ਅਗਲੀ ਵਾਰੀ ਕਿਸੇ ਨੇ ਮੀਡੀਆ ਦਾ ਦੁਰਪਯੋਗ ਕਰਕੇ ਕਾਨੂੰਨ ਹੱਥ ਵਿੱਚ ਲੈਣ ਦੀ ਕੋਸ਼ਿਸ਼ ਕੀਤੀ ਤਾਂ ਸਿੱਧੀ ਕਾਨੂੰਨੀ ਕਾਰਵਾਈ ਹੋਵੇਗੀ।
