ਜਲੰਧਰ (ਪੰਕਜ ਸੋਨੀ): ਜਲੰਧਰ ਵੈਸਟ ਦੀ ਸਿਆਸਤ ਵਿੱਚ ਵੱਡਾ ਧਮਾਕੇਦਾਰ ਬਿਆਨ ਸਾਹਮਣੇ ਆਇਆ ਹੈ।
ਹਲਕੇ ਦੇ ਮਾਮਲਿਆਂ ‘ਤੇ ਲਾਈਵ ਹੋ ਕੇ ਅਕਸਰ ਸਵਾਲ ਚੁੱਕਣ ਵਾਲੇ ਨੇਤਾ ਨੇ ਮੌਜੂਦਾ ਮੰਤਰੀ (ਐਮ.ਐਲ.ਏ.) ਉੱਤੇ ਸਿੱਧੇ ਤੌਰ ‘ਤੇ ਭਾਰੀ ਇਲਜ਼ਾਮ ਲਗਾਏ ਹਨ।
“ਕੁੱਕਰ ਚੋਰ” ਕਿਹਾ
ਲਾਈਵ ਹੋਏ ਨੇਤਾ ਨੇ ਕਿਹਾ –
“ਰੈੱਡ ਕ੍ਰਾਸ ਤੋਂ ਆਏ ਕੁੱਕਰ ਅਤੇ ਹੋਰ ਸਮਾਨ ਸਰਕਾਰੀ ਗੱਡੀ ਰਾਹੀਂ ਮੰਤਰੀ ਦੇ ਘਰ ਚਲੇ ਗਏ।”
“ਬਾਰਿਸ਼ ਪੀੜਤਾਂ ਅਤੇ ਡਿੱਗੇ ਮਕਾਨਾਂ ਦੀ ਮਦਦ ਲਈ ਆਇਆ ਸਮਾਨ ਲੋਕਾਂ ਤੱਕ ਨਹੀਂ ਪਹੁੰਚਿਆ।”
“6500 ਰੁਪਏ ਦੇ ਕੇ ਲੋਕਾਂ ਨੂੰ ਬੇਵਕੂਫ਼ ਬਣਾਇਆ ਜਾ ਰਿਹਾ ਹੈ।”
“ਮੰਤਰੀ ਨੇ ਲੋਕਾਂ ਦੇ ਹੱਕ ਦਾ ਸਮਾਨ ਆਪਣੇ ਘਰ ਪਹੁੰਚਾ ਕੇ ਗਰੀਬਾਂ ਦਾ ਹੱਕ ਮਾਰਿਆ ਹੈ, ਇਹ ਸਿੱਧੀ ਚੋਰੀ ਹੈ।”
ਸੋਮਵਾਰ ਨੂੰ ਖੁਲਾਸੇ ਦਾ ਵਾਅਦਾ
ਨੇਤਾ ਨੇ ਐਲਾਨ ਕੀਤਾ ਕਿ ਸੋਮਵਾਰ ਨੂੰ ਉਹ ਪੂਰੇ ਸਬੂਤਾਂ ਅਤੇ ਵੀਡੀਓ ਨਾਲ ਖੁਲਾਸਾ ਕਰਨਗੇ।
ਉਹਨਾਂ ਕਿਹਾ ਕਿ –
“ਲੋਕਾਂ ਦੇ ਹੱਕ ਦਾ ਸਮਾਨ ਕਿਵੇਂ ਗਾਇਬ ਹੋਇਆ, ਇਸਦਾ ਸੱਚ ਲੋਕਾਂ ਦੇ ਸਾਹਮਣੇ ਰੱਖਾਂਗਾ।”
“ਜਿਹੜੇ ਲੋਕ ਗਰੀਬਾਂ ਦੀ ਮਦਦ ਦੇ ਨਾਮ ‘ਤੇ ਖੇਡ ਖੇਡ ਰਹੇ ਹਨ, ਉਹਨਾਂ ਨੂੰ ਬੇਨਕਾਬ ਕੀਤਾ ਜਾਵੇਗਾ।”
ਇਹ ਦੋਸ਼ ਸਾਹਮਣੇ ਆਉਂਦੇ ਹੀ ਜਲੰਧਰ ਵੈਸਟ ਵਿੱਚ ਸਿਆਸੀ ਤਾਪਮਾਨ ਚੜ੍ਹ ਗਿਆ ਹੈ। ਹਲਕੇ ਦੇ ਲੋਕਾਂ ਦੀਆਂ ਨਜ਼ਰਾਂ ਹੁਣ ਸੋਮਵਾਰ ਦੇ ਖੁਲਾਸੇ ਅਤੇ ਮੰਤਰੀ ਦੇ ਜਵਾਬ ‘ਤੇ ਟਿਕੀਆਂ ਹਨ।
