ਜਲੰਧਰ (ਪੰਕਜ ਸੋਨੀ/ਹਨੀ ਸਿੰਘ) :- ਜਲੰਧਰ ‘ਚ ਪਰਸ਼ਾਸਨ ਵਲੋਂ ਅਜੇ ਤੱਕ ਪਟਾਖਾ ਮਾਰਕੀਟ ਲਈ ਜਗ੍ਹਾ ਫ਼ਾਈਨਲ ਨਹੀਂ ਕੀਤੀ ਗਈ, ਪਰ ਫਿਰ ਵੀ ਸ਼ਹਿਰ ਦੇ ਕਈ ਹਿੱਸਿਆਂ ‘ਚ ਪਟਾਖੇ ਵਿਕਣੇ ਸ਼ੁਰੂ ਹੋ ਚੁੱਕੇ ਹਨ। ਪਠਾਨਕੋਟ ਚੌਂਕ ‘ਚ ਪਟਾਖਾ ਮਾਰਕੀਟ ਲਗਾਉਣ ਦੀ ਤਿਆਰੀ ਜ਼ੋਰਾਂ ‘ਤੇ ਹੈ, ਜਦਕਿ ਮਕਸੂਦਾਂ ਮੰਡੀ ‘ਚ ਤਾਂ ਸ਼ਰੇਆਮ ਪਟਾਖੇ ਵੇਚੇ ਜਾ ਰਹੇ ਹਨ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਪਟਾਕਾ ਮਾਰਕੀਟ ਪ੍ਰਧਾਨਾ ਚ ਚਲ ਰਿਹਾ ਮੈਂ ਮੁਟਾਵ ਵੀ ਖਤਮ ਹੋ ਗਿਆ ਹੈ । ਇਕ ਪ੍ਰਧਾਨ ਜੀ ਵਲੋਂ ਨਕੋਦਰ ਰੋਡ ਤੇ ਮਾਰਕੀਟ ਬਣਾਉਣ ਦਾ ਮਨ ਬੱਦਲ ਲਿਆ ਹੈ ।
ਹੈਰਾਨੀ ਦੀ ਗੱਲ ਇਹ ਹੈ ਕਿ ਪੁਲਿਸ ਤੇ ਜਿਲਾ ਪਰਸ਼ਾਸਨ ਦੀ ਨੱਕ ਹੇਠਾਂ ਇਹ ਗੈਰਕਾਨੂੰਨੀ ਵਿਕਰੀ ਚੱਲ ਰਹੀ ਹੈ, ਜਦਕਿ ਅਜੇ ਤੱਕ ਕਿਸੇ ਵੀ ਵਪਾਰੀ ਨੂੰ ਲਾਇਸੈਂਸ ਜਾਰੀ ਨਹੀਂ ਹੋਏ ਹਲੇ ਤਾ ਸਿਰਫ ਡਰਾਅ ਹੀ ਕੱਢੇ ਗਏ ਹਨ ਅਤੇ ਨਾ ਹੀ ਅਧਿਕਾਰਿਕ ਤੌਰ ‘ਤੇ ਪਟਾਖਾ ਮਾਰਕੀਟ ਲਈ ਥਾਂ ਤੈਅ ਕੀਤੀ ਗਈ ਹੈ।
ਇਸ ਨਾਲ ਵੱਡਾ ਸਵਾਲ ਖੜ੍ਹਦਾ ਹੁੰਦਾ ਹੈ
ਜਲੰਧਰ ‘ਚ ਕਰਵਾ ਚੌਥ ਤੋਂ ਪਹਿਲਾਂ ਇਹ ਪਟਾਖੇ ਕਿਸਨੇ ਤੇ ਕਿਵੇਂ ਵੇਚਣੇ ਸ਼ੁਰੂ ਕਰ ਦਿੱਤੇ?ਕਿਉਂਕਿ ਕਲ ਕਰਵਾਚੋਥ ਤੇ ਸ਼ਹਿਰ ਦੇ ਕਈ ਇਲਾਕਿਆਂ ਵਿੱਚ ਖੂਬ ਪਟਾਖੇ ਚਲੇ ਹਨ।
ਕੀ ਪਰਸ਼ਾਸਨ ਤੇ ਪੁਲਿਸ ਨੂੰ ਇਸਦੀ ਜਾਣਕਾਰੀ ਨਹੀਂ, ਜਾਂ ਫਿਰ ਜਾਣਬੁੱਝ ਕੇ ਅੱਖਾਂ ਮੀਟ ਲਈਆਂ ਗਈਆਂ ਹਨ?
ਲੋਕਾਂ ਦਾ ਕਹਿਣਾ ਹੈ ਕਿ ਜੇ ਪਰਸ਼ਾਸਨ ਇਨ੍ਹਾਂ ਉੱਤੇ ਕਾਰਵਾਈ ਨਹੀਂ ਕਰਦਾ, ਤਾਂ ਆਉਣ ਵਾਲੇ ਦਿਨਾਂ ‘ਚ ਸ਼ਹਿਰ ‘ਚ ਅੱਗ ਲੱਗਣ ਜਾਂ ਹਾਦਸਿਆਂ ਦਾ ਖ਼ਤਰਾ ਵਧ ਸਕਦਾ ਹੈ।
