ਸਟਾਰ ਨਿਊਜ਼ ਪੰਜਾਬੀ ਟੀਵੀ ਵਲੋਂ ਕੀਤੇ ਗਏ ਧਮਾਕੇਦਾਰ ਸਟਿੰਗ ਓਪਰੇਸ਼ਨ ਨੇ ਪੂਰੇ ਜਾਲੰਧਰ ਸ਼ਹਿਰ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ। The Visa House ਨਾਮਕ ਟਰੈਵਲ ਏਜੰਸੀ ਦੇ ਅੰਦਰ ਚੱਲ ਰਿਹਾ ਸੀ ਨਕਲੀ ਕਾਗਜ਼ ਬਣਾਉਣ ਦਾ ਖੇਡ। ਵਿਦੇਸ਼ ਜਾਣ ਦੇ ਸੁਪਨੇ ਦਿਖਾ ਕੇ ਮਾਸੂਮ ਲੋਕਾਂ ਨਾਲ ਭਾਰੀ ਧੋਖਾਧੜੀ ਕੀਤੀ ਜਾ ਰਹੀ ਸੀ। ਲੋਕਾਂ ਨੂੰ ਇਹ ਭਰਮ ਪਾਇਆ ਜਾਂਦਾ ਸੀ ਕਿ ਉਨ੍ਹਾਂ ਨੂੰ ਕਾਨੂੰਨੀ ਤੌਰ ’ਤੇ ਵੀਜ਼ਾ ਮਿਲ ਜਾਵੇਗਾ, ਪਰ ਅਸਲ ਵਿੱਚ ਉਨ੍ਹਾਂ ਨੂੰ ਦਿੱਤੇ ਜਾ ਰਹੇ ਸਨ ਝੂਠੇ ਦਸਤਾਵੇਜ਼ ਤੇ ਨਕਲੀ ਕਾਗਜ਼, ਜਿਸ ਦੀ ਕੋਈ ਕਾਨੂੰਨੀ ਹੈਸੀਆਤ ਨਹੀਂ ਸੀ।
ਇਸ ਵੱਡੇ ਖੁਲਾਸੇ ਤੋਂ ਬਾਅਦ ਹੁਣ ਜਾਲੰਧਰ ’ਚ “ਵਿਜ਼ਿਆਂ ਦੇ ਕਿੰਗ” ਦੀ ਖੁਲੇਗੀ ਪੋਲ। ਪੁਲਿਸ ਜਾਂਚ ਦੇ ਰਡਾਰ ਹੇਠ ਆਉਣਗੇ ਉਹ ਸਾਰੇ ਚਿਹਰੇ ਜਿਹੜੇ ਇਸ ਗੰਦੇ ਧੰਧੇ ਦੇ ਸਾਥੀ ਸਨ। ਹੁਣ ਵੇਖਣਾ ਇਹ ਹੋਵੇਗਾ ਕਿ ਕੌਣ ਕੌਣ ਹੋਵੇਗਾ ਇਸ ਵੱਡੇ ਰੈਕਟ ’ਚ ਬੇਨਕਾਬ ਅਤੇ ਕਿਹੜੇ ਨਵੇਂ ਨਾਂ ਸਾਹਮਣੇ ਆਉਣਗੇ। ਸਾਡੀ ਜਾਂਚ ਨੇ ਸਾਫ਼ ਕਰ ਦਿੱਤਾ ਕਿ ਲੋਕਾਂ ਦੀ ਮਿਹਨਤ ਦੀ ਕਮਾਈ ਕਿਵੇਂ ਲੁੱਟੀ ਜਾ ਰਹੀ ਸੀ।
ਹਰ ਵਿਅਕਤੀ ਤੋਂ ਲੱਖਾਂ ਰੁਪਏ ਵਸੂਲੇ ਜਾ ਰਹੇ ਸਨ। ਕੋਈ ਵੀ ਵਿਦੇਸ਼ ਜਾਣ ਵਾਲਾ ਪਰਿਵਾਰ ਆਪਣੇ ਸੁਪਨੇ ਨੂੰ ਸਾਕਾਰ ਕਰਨ ਲਈ ਜਦੋਂ The Visa House ਦਾ ਦਰਵਾਜ਼ਾ ਖਟਖਟਾਉਂਦਾ ਸੀ, ਉਸਨੂੰ ਝੂਠੇ ਦਾਅਵੇ, ਫ਼ਰਜ਼ੀ ਕਾਗਜ਼ ਅਤੇ ਖ਼ਾਲੀ ਭਰੋਸੇ ਦੇ ਸਿਵਾ ਕੁਝ ਨਹੀਂ ਮਿਲਦਾ ਸੀ।
ਸਟਿੰਗ ਓਪਰੇਸ਼ਨ ਨੇ ਖੋਲ੍ਹ ਦਿੱਤਾ ਪੂਰਾ ਰਾਜ!
ਸਟਾਰ ਨਿਊਜ਼ ਪੰਜਾਬੀ ਟੀਵੀ ਦੀ ਟੀਮ ਨੇ ਗੁਪਤ ਕੈਮਰੇ ਰਾਹੀਂ ਉਹ ਸਾਰਾ ਜਾਲ ਸਾਹਮਣੇ ਲਿਆ ਦਿੱਤਾ
ਜਾਲੰਧਰ ਪੁਲਿਸ ਕਮਰਕੱਸ!
ਇਹ ਖ਼ਬਰ ਸਾਹਮਣੇ ਆਉਣ ਤੋਂ ਬਾਅਦ ਜਾਲੰਧਰ ਪੁਲਿਸ ਵੀ ਐਕਸ਼ਨ ’ਚ ਆ ਗਈ ਹੈ। ਖ਼ਾਸ ਟੀਮਾਂ ਬਣਾਈਆਂ ਗਈਆਂ ਹਨ ਤੇ ਜਾਂਚ ਦੀ ਰਫ਼ਤਾਰ ਤੇਜ਼ ਕਰ ਦਿੱਤੀ ਗਈ ਹੈ। ਪੁਲਿਸ ਵੱਲੋਂ ਸਾਰੇ ਦਸਤਾਵੇਜ਼ ਇਕੱਠੇ ਕੀਤੇ ਜਾ ਰਹੇ ਹਨ ਅਤੇ ਜਲਦੀ ਹੀ ਵੱਡੇ ਖੁਲਾਸਿਆਂ ਦੀ ਉਮੀਦ ਹੈ। ਇਸ ਮਾਮਲੇ ਨਾਲ ਜੁੜੇ ਹੋਰ ਲੋਕਾਂ ਨੂੰ ਵੀ ਕਸੌਟੀ ’ਤੇ ਚੜ੍ਹਾਇਆ ਜਾਵੇਗਾ।
ਹੁਣ ਸਿਰਫ਼ The Visa House ਹੀ ਨਹੀਂ ਬਲਕਿ ਹੋਰ ਵੀ ਕਈ ਏਜੰਸੀਆਂ ਦੇ ਨਾਂ ਸਾਹਮਣੇ ਆ ਸਕਦੇ ਹਨ ਜਿਹੜੇ ਇਸੇ ਤਰ੍ਹਾਂ ਦੇ ਧੰਧੇ ’ਚ ਸ਼ਾਮਲ ਹਨ।
⚡ ਸਟਾਰ ਨਿਊਜ਼ ਪੰਜਾਬੀ ਦੀ ਮੁਹਿੰਮ – ਲੋਕਾਂ ਦੀ ਆਵਾਜ਼!
ਇਹ ਸਿਰਫ਼ ਇਕ ਖ਼ਬਰ ਨਹੀਂ, ਬਲਕਿ ਲੋਕਾਂ ਦੇ ਸੁਪਨਿਆਂ ਦੀ ਲੜਾਈ ਹੈ। ਜਿਹੜੇ ਨੌਜਵਾਨ ਵਿਦੇਸ਼ ਵਿੱਚ ਆਪਣਾ ਭਵਿੱਖ ਬਣਾਉਣਾ ਚਾਹੁੰਦੇ ਹਨ, ਉਨ੍ਹਾਂ ਦੀਆਂ ਉਮੀਦਾਂ ਨਾਲ ਖੇਡਣਾ ਕੋਈ ਛੋਟੀ ਗੱਲ ਨਹੀਂ। ਸਟਾਰ ਨਿਊਜ਼ ਪੰਜਾਬੀ ਨੇ ਇਸ ਗੰਦੇ ਖੇਡ ਨੂੰ ਬੇਨਕਾਬ ਕਰਕੇ ਲੋਕਾਂ ਨੂੰ ਸਚੇਤ ਕੀਤਾ ਹੈ।
