ਲੁਧਿਆਣਾ ਰੇਲਵੇ ਸਟੇਸ਼ਨ ਤੋਂ ਮਾਸੂਮ ਪ੍ਰਵਾਸੀ ਬੱਚੇ ਨੂੰ ਅਗਵਾ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਕਾਲੇ ਰੰਗ ਦਾ ਸੂਟ ਪਾ ਕੇ ਆਈ ਔਰਤ ਬੱਚਾ ਚੁੱਕ ਕੇ ਫਰਾਰ ਹੋ ਗਈ। ਇਸ ਦੀ ਇੱਕ CCTV ਵੀਡੀਓ ਦੀ ਫੁਟੇਜ ਵੀ ਸਾਹਮਣੇ ਆਈ ਹੈ, ਜਿਸ ਵਿਚ ਔਰਤ ਬੱਚੇ ਨੂੰ ਗੋਦੀ ‘ਚ ਚੁੱਕ ਕੇ ਲਿਜਾਂਦੀ ਨਜ਼ਰ ਆ ਰਹੀ ਹੈ।
ਔਰਤ ਅਤੇ ਉਸਦੇ ਸਾਥੀ ਨੇ 16 ਸਤੰਬਰ ਨੂੰ ਸਵੇਰੇ 2:15 ਵਜੇ ਅਗਵਾ ਕਰਨ ਦੀ ਘਟਨਾ ਨੂੰ ਅੰਜਾਮ ਦਿੱਤਾ। ਔਰਤ 16 ਸਤੰਬਰ ਨੂੰ ਰਾਤ 11 ਵਜੇ ਦੇ ਕਰੀਬ ਰੇਲਵੇ ਸਟੇਸ਼ਨ ਵਿੱਚ ਦਾਖਲ ਹੋਈ। ਫਿਰ ਉਹ ਆਪਣੇ ਸਾਥੀ ਨਾਲ ਬੁਕਿੰਗ ਖਿੜਕੀ ਦੇ ਆਲੇ-ਦੁਆਲੇ ਘੁੰਮਦੀ ਰਹੀ। ਅੱਧੀ ਰਾਤੀਂ 2.15 ਵਜੇ ਦੇ ਕਰੀਬ ਉਸ ਨੇ ਬੱਚੇ ਨੂੰ ਨੇੜੇ ਹੀ ਸੁੱਤੀ ਪਈ ਉਸ ਦੀ ਮਾਂ ਦੇ ਬਿਸਤਰੇ ਤੋਂ ਚੁੱਕ ਲਿਆ ਅਤੇ ਆਪਣੇ ਸਾਥੀ ਨਾਲ ਭੱਜ ਗਈ।
ਜੀਆਰਪੀ ਐਸਐਚਓ ਪਲਵਿੰਦਰ ਸਿੰਘ ਮੁਤਾਬਕ ਪੁਲਿਸ ਟੀਮਾਂ ਸਵੇਰੇ 3 ਵਜੇ ਤੱਕ ਬੱਚੇ ਦੀ ਭਾਲ ਕਰ ਰਹੀਆਂ ਸਨ। ਉਨ੍ਹਾਂ ਕਿਹਾ ਕਿ ਜ਼ਿਲ੍ਹਾ ਪੁਲਿਸ ਵੀ ਇਸ ਮਾਮਲੇ ਵਿੱਚ ਸ਼ਾਮਲ ਹੋਵੇਗੀ। ਸੀਸੀਟੀਵੀ ਕੈਮਰਿਆਂ ਨੇ 16 ਸਤੰਬਰ ਨੂੰ ਸਵੇਰੇ 2.15 ਵਜੇ ਬੱਚੇ ਨੂੰ ਗੋਦੀ ਵਿੱਚ ਲੈ ਕੇ ਭੱਜਦੀ ਔਰਤ ਨੂੰ ਕੈਦ ਕਰ ਲਿਆ। ਮਾਮਲਾ ਜਲਦੀ ਹੀ ਹੱਲ ਹੋ ਜਾਵੇਗਾ।
