ਜਲੰਧਰ, 10 ਸਤੰਬਰ: (ਪੰਕਜ ਸੋਨੀ)
ਜਲੰਧਰ ਵਾਸੀਆਂ, ਖ਼ਾਸ ਕਰਕੇ ਲਾਵਾਰਿਸ ਹਲਕੇ (ਸੈਂਟ੍ਰਲ ਹਲਕੇ) ਅਤੇ ਨੌਰਥ ਹਲਕੇ ਦੇ ਨਿਵਾਸੀਆਂ ਲਈ ਇੱਕ ਵੱਡੀ ਰਾਹਤ ਭਰੀ ਖ਼ਬਰ ਸਾਹਮਣੇ ਆਈ ਹੈ। ਸ਼ਹਿਰ ਦੇ ਦਮੋਰਿਆ ਪੁੱਲ ਹੇਠਾਂ ਸਾਲਾਂ ਤੋਂ ਖੜੇ ਹੋਣ ਵਾਲੇ ਬਰਸਾਤੀ ਪਾਣੀ ਦੀ ਸਮੱਸਿਆ ਦਾ ਹੱਲ ਨਿਕਲ ਸਕਦਾ ਹੈ, ਕਿਉਂਕਿ ਨਗਰ ਨਿਗਮ ਵੱਲੋਂ ਇਥੇ ਵਾਟਰ ਹਾਰਵੈਸਟਿੰਗ ਸਿਸਟਮ ਲਗਾਉਣ ਦੀ ਯੋਜਨਾ ਬਣਾਈ ਜਾ ਰਹੀ ਹੈ।
ਜਲੰਧਰ ਦੇ ਮੇਅਰ ਵਨੀਤ ਧੀਰ ਇਸ ਮਾਮਲੇ ਨੂੰ ਲੰਮੇ ਸਮੇਂ ਤੋਂ ਗੰਭੀਰਤਾ ਨਾਲ ਦੇਖ ਰਹੇ ਸਨ। ਹੁਣ ਨਗਰ ਨਿਗਮ ਵੱਲੋਂ ਇਕ ਵਿਸਥਾਰਤ ਪ੍ਰੋਜੈਕਟ ਡਿਜ਼ਾਈਨ ਤਿਆਰ ਕੀਤਾ ਜਾ ਰਿਹਾ ਹੈ, ਜਿਸ ਦੀ ਰਿਪੋਰਟ ਜਲਦੀ ਹੀ ਕਮਿਸ਼ਨਰ ਅਤੇ ਮੇਅਰ ਨੂੰ ਪੇਸ਼ ਕੀਤੀ ਜਾਵੇਗੀ।
ਨਗਰ ਨਿਗਮ ਦੇ ਇੱਕ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ ਦਮੋਰਿਆ ਪੁੱਲ ਹੇਠਾਂ ਸਿਰਫ਼ ਬਰਸਾਤ ਦਾ ਪਾਣੀ ਇਕੱਠਾ ਹੁੰਦਾ ਹੈ, ਨਾ ਕਿ ਸਿਵਰੇਜ ਦਾ। ਇਹੀ ਕਾਰਨ ਹੈ ਕਿ ਇਸ ਯੋਜਨਾ ‘ਚ ਪ੍ਰਦੂਸ਼ਣ ਕੰਟਰੋਲ ਬੋਰਡ ਤੋਂ NOC ਲੈਣਾ ਆਸਾਨ ਹੋਵੇਗਾ।
ਇਸ ਪ੍ਰੋਜੈਕਟ ਦੇ ਮੁੱਖ ਲਾਭ:
ਦਮੋਰਿਆ ਪੁੱਲ ਹੇਠਾਂ ਖੜੇ ਪਾਣੀ ਤੋਂ ਪੱਕੀ ਮੁਕਤੀ, ਟ੍ਰੈਫਿਕ ਜਾਮ ਦੀ ਸਮੱਸਿਆ ਵਿਚ ਕਮੀ, ਮੱਛਰਾਂ ਅਤੇ ਪਾਣੀ ਰਾਹੀਂ ਫੈਲਣ ਵਾਲੀਆਂ ਬਿਮਾਰੀਆਂ ਤੋਂ ਰਾਖਵਾਂ ਤੇ ਵਾਤਾਵਰਣ-ਅਨੁਕੂਲ ਹੱਲ ਰਾਹੀਂ ਸ਼ਹਿਰੀ ਵਿਕਾਸ
ਜਲ ਸੰਭਾਲ ਦੀ ਸਮਰਥ ਤਕਨੀਕ ਦੀ ਸਥਾਪਨਾ ਇਲਾਕਿਆਂ ਨੂੰ ਹੋਵੇਗਾ ਸਿੱਧਾ ਫਾਇਦਾ:
ਲਾਵਾਰਿਸ ਹਲਕਾ (ਸੈਂਟ੍ਰਲ ਹਲਕਾ) ਤੇ ਨੌਰਥ ਹਲਕਾ ਦੇ ਰਹਿਣ ਵਾਲੇ ਆਮ ਲੋਕ ਇਸ ਪ੍ਰੋਜੈਕਟ ਦੀ ਮਨਜ਼ੂਰੀ ਤੋਂ ਬਾਅਦ, ਇਲਾਕੇ ਦੇ ਨਿਵਾਸੀਆਂ ਨੂੰ ਉਹ ਮੁਸੀਬਤ, ਜੋ ਹਰੇਕ ਮੌਸਮ ਦੀ ਬਰਸਾਤ ਨਾਲ ਦੁਹਰਾਈ ਜਾਂਦੀ ਸੀ, ਤੋਂ ਛੁਟਕਾਰਾ ਮਿਲ ਸਕੇਗਾ।
