ਦੀਨਾਨਗਰ (ਹਨੀ ਸਿੰਘ)- ਪੰਜਾਬ ‘ਚ ਮੌਸਮੀ ਬਦਲਾਅ ਅਤੇ ਦਰਿਆਵਾਂ ‘ਚ ਵਧ ਰਹੇ ਪਾਣੀ ਕਾਰਨ ਕਈ ਖੇਤਰਾਂ ‘ਚ ਹੜ੍ਹ ਵਰਗੀ ਸਥਿਤੀ ਬਣ ਗਈ ਹੈ। ਪ੍ਰਸ਼ਾਸਨ ਵੱਲੋਂ ਗੁਰਦਾਸਪੁਰ ਜ਼ਿਲ੍ਹੇ ਦੇ ਕੁਝ ਪਿੰਡਾਂ ਨੂੰ ਹਾਈ ਅਲਰਟ ‘ਤੇ ਰੱਖਿਆ ਗਿਆ ਹੈ ਅਤੇ ਲੋਕਾਂ ਨੂੰ ਸਾਵਧਾਨ ਰਹਿਣ ਲਈ ਕਿਹਾ ਗਿਆ ਹੈ।
ਤਾਜ਼ਾ ਜਾਣਕਾਰੀ ਅਨੁਸਾਰ ਰਾਵੀ ਦਰਿਆ ਵਿੱਚ 150000 ਕਿਊਸਕ ਤੋਂ ਵੱਧ ਪਾਣੀ ਛੱਡੇ ਜਾਣ ਕਾਰਨ ਡੇਰਾ ਬਾਬਾ ਨਾਨਕ ਦੇ ਪਿੰਡ ਧਰਮਕੋਟ, ਪਤਨ, ਗੁਰਚਕ ਅਤੇ ਘਣੀਏ ਕੇ ਬੇਟ ਵਿਚ ਖਤਰੇ ਦੇ ਹਾਲਾਤ ਹਨ। ਇਸੇ ਤਰ੍ਹਾਂ ਕਲਾਨੌਰ ਦੇ ਪਿੰਡ ‘ਚ ਚੰਦੂਵਡਾਲ, ਕਮਾਲਪੁਰ ਜਟਾ ਅਤੇ ਦੀਨਾਨਗਰ ਖੇਤਰ ਦੇ ਪਿੰਡ ਕਾਨਾ, ਚੌਂਤਰਾ, ਚੱਕਰੀ, ਸਲਾਚ, ਆਧ ਜੈਨਪੁ ਅਤੇ ਠਾਕੁਰਪੁਰ ਆਦਿ ਪਿੰਡਾਂ ‘ਚ ਵੀ ਹੜ੍ਹ ਦਾ ਖ਼ਤਰਾ ਮੰਡਰਾ ਰਿਹਾ ਹੈ।
ਸਰਕਾਰ ਅਤੇ ਪ੍ਰਸ਼ਾਸਨ ਨੇ ਲੋਕਾਂ ਨੂੰ ਦਰਿਆਵਾਂ ਅਤੇ ਨਹਿਰਾਂ ਦੇ ਨੇੜੇ ਨਾ ਜਾਣ, ਘਰਾਂ ‘ਚ ਸੁਰੱਖਿਅਤ ਰਹਿਣ ਅਤੇ ਬਿਨਾਂ ਲੋੜ ਘਰਾਂ ਤੋਂ ਬਾਹਰ ਨਾ ਨਿਕਲਣ ਦੀ ਅਪੀਲ ਕੀਤੀ ਗਈ ਹੈ।
