ਅੰਮ੍ਰਿਤਸਰ ਵਿੱਚ ਮਹਾਨਗਰ ਦੇ ਨੇੜੇ ਰਣਜੀਤ ਐਵੀਨਿਊ ਇਲਾਕੇ ‘ਚ ਸਪਾ ਸੈਂਟਰ ਦੇ ਨਾਮ ‘ਤੇ ਦੇਹ ਵਪਾਰ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੁਲਿਸ ਦੀ ਛਾਪੇਮਾਰੀ ਦੌਰਾਨ ਸਪਾ ਸੈਂਟਰ ਦਾ ਮਾਲਕ ਫਰਾਰ ਹੋ ਗਿਆ। ਪੁਲਿਸ ਨੇ ਤਿੰਨ ਅੰਮ੍ਰਿਤਸਰ ਅਤੇ ਚਾਰ ਵਿਦੇਸ਼ੀ ਲੜਕੀਆਂ ਸਮੇਤ 18 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਨ੍ਹਾਂ ਵਿੱਚ 11 ਗਾਹਕ ਸ਼ਾਮਲ ਹਨ। ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਮਾਲਕ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।
ਰਣਜੀਤ ਐਵੀਨਿਊ ਥਾਣੇ ਦੇ ਐਸਐਚਓ ਇੰਸਪੈਕਟਰ ਸੁਖਿੰਦਰ ਸਿੰਘ ਅਨੁਸਾਰ ਉਨ੍ਹਾਂ ਨੂੰ ਸੂਚਨਾ ਮਿਲੀ ਸੀ ਕਿ ਰਣਜੀਤ ਐਵੀਨਿਊ ਡੀ ਬਲਾਕ ਪਜੇਰੀਆ ਮਾਰਕੀਟ ਵਿੱਚ ਫਸਟ ਕੇਅਰ ਸਪਾ ਦੇ ਨਾਮ ’ਤੇ ਸਪਾ ਸੈਂਟਰ ਚੱਲ ਰਿਹਾ ਹੈ। ਇਸ ਵਿੱਚ ਵਿਦੇਸ਼ੀ ਅਤੇ ਭਾਰਤੀ ਕੁੜੀਆਂ ਨੂੰ ਬੁਲਾ ਕੇ ਦੇਹ ਵਪਾਰ ਲਈ ਮਜਬੂਰ ਕੀਤਾ ਜਾ ਰਿਹਾ ਹੈ। ਇਸ ਦੇ ਬਦਲੇ ਗਾਹਕਾਂ ਤੋਂ ਮੋਟੀ ਰਕਮ ਵਸੂਲੀ ਜਾ ਰਹੀ ਹੈ। ਸੂਚਨਾ ਦੇ ਆਧਾਰ ‘ਤੇ ਪੁਲਸ ਮੌਕੇ ‘ਤੇ ਪਹੁੰਚੀ ਤਾਂ ਸਪਾ ਸੈਂਟਰ ਦਾ ਮਾਲਕ ਮਨਦੀਪ ਸਿੰਘ ਫਰਾਰ ਹੋ ਗਿਆ। ਮੌਕੇ ‘ਤੇ ਮੌਜੂਦ ਪੁਲਿਸ ਨੇ ਐਸਪੀ ਸੈਂਟਰ ਪਲਜਿੰਦਰ ਸਿੰਘ ਵਾਸੀ ਹਨੂੰਮਾਨ ਚੌਕ ਗੁਰਦਾਸਪੁਰ, ਜਤਿਨ ਧਾਰਨੀ ਵਾਸੀ ਗੁਰਦੁਆਰਾ ਬਾਬਾ ਨੌਧ ਸਿੰਘ ਪਿੰਡ ਚੀਚਾ ਨੇੜੇ ਅਟਾਰੀ, ਜਸਕਰਨ ਸਿੰਘ ਵਾਸੀ ਗਲੀ ਸੁਨਿਆਰੀਆਂ ਵਾਲੀ ਕਟੜਾ ਜੈਮਲ ਸਿੰਘ, ਸਨਿਆਮ ਦੇਵਗਨ ਵਾਸੀ ਕ੍ਰਿਸ਼ਨਾ ਸਕੁਏਅਰ ਨੇੜੇ ਸੈਲੀਬ੍ਰੇਸ਼ਨ ਮਾਲ, ਸੁਨੀਲ ਮਸੀਹ ਵਾਸੀ ਨੇੜੇ ਕ੍ਰਿਸ਼ਣਾ ਨੂੰ ਕਾਬੂ ਕੀਤਾ।
ਪੈਟਰੋਲ ਪੰਪ ਪਿੰਡ ਨਵੀਪੁਰ ਜ਼ਿਲ੍ਹਾ ਗੁਰਦਾਸਪੁਰ, ਦਾਨਿਸ਼ ਦੀਪ ਸਿੰਘ ਵਾਸੀ ਗਰੀਨ ਸਿਟੀ ਏਅਰਪੋਰਟ ਰੋਡ, ਪ੍ਰਤਾਪ ਸਿੰਘ ਵਾਸੀ ਪਿੰਡ ਪੱਡਾ ਜ਼ਿਲ੍ਹਾ ਗੁਰਦਾਸਪੁਰ, ਜਤਿੰਦਰ ਸਿੰਘ ਵਾਸੀ ਆਜ਼ਾਦ ਰੋਡ ਛੇਹਰਟਾ, ਅਕਾਸ਼ਦੀਪ ਸਿੰਘ ਵਾਸੀ ਪਿੰਡ ਕਾਲੇਵਾਲ ਤਹਿਸੀਲ ਲੋਪੋਕੇ, ਅੰਗਰੇਜ਼ ਸਿੰਘ ਵਾਸੀ ਪਿੰਡ ਕੱਕਾ ਕਡਿਆਲਾ, ਸਾਗਰ ਦੀਪ ਸਿੰਘ ਵਾਸੀ ਪਿੰਡ ਨਵੀਪੁਰ ਜ਼ਿਲ੍ਹਾ ਗੁਰਦਾਸਪੁਰ, ਸ. ਨਿਊ ਆਜ਼ਾਦ ਨਗਰ ਸੁਲਤਾਨਵਿੰਡ ਰੋਡ ਨੂੰ ਕਾਬੂ ਕੀਤਾ ਹੈ।